Фёдар Уладзіміравіч Мірачыцкі

Фё́дар Уладзі́міравіч Мірачы́цкі (нар. 6 верасня 1936, в. Баяры Карэліцкага раёна Гродзенскай вобласці — 2020) — беларускі дзяржаўны дзеяч, былы міністр сельскай гаспадаркі, член-карэспандэнт Акадэміі аграрных навук Рэспублікі Беларусь (1992), заслужаны працаўнік сельскай гаспадаркі (1983).

Фёдар Уладзіміравіч Мірачыцкі
1-ы Міністр сельскай гаспадаркі і харчавання Беларусі 21 лютага 1991 — 28 кастрычніка 1994
Прэзідэнт	Аляксандр Лукашэнка
Кіраўнік урада	Вячаслаў Кебіч Міхаіл Чыгір
Папярэднік	пасада заснавана
Пераемнік	Васіль Лявонаў
Нараджэнне	6 верасня 1936(1936-09-06) в. Баяры, Карэліцкі раён, Гродзенская вобласць
Смерць	2020(2020)
Адукацыя	біятэхналагічны факультэт ГДАУ
Навуковая ступень	кандыдат эканамічных навук
Узнагароды

У Вікіпедыі ёсць артыкулы пра іншых людзей з прозвішчам Мірачыцкі.

Біяграфія

Працаваў галоўным заатэхнікам саўгаса, з 1964 года — дырэктар саўгаса «Слонімскі» Слонімскага раёна.

З 1969 года — намеснік, першы намеснік Міністра сельскай гаспадаркі БССР. Потым працаваў намеснікам Старшыні Дзяржплана, першым намеснікам Старшыні Дзяржаграпрама^[1].

21 лютага 1991 года прызначаны Міністрам сельскай гаспадаркі і харчавання Беларускай ССР^[2]. 28 кастрычніка 1994 года вызвалены ад пасады ў сувязі з выхадам у адстаўку^[3].

У 1991 годзе быў абраны першым старшынёй савета ўтворанага АКБ «Белаграпрамбанк», пасля адстаўкі працаваў там на пасадзе намесніка старшыні праўлення.

Навуковая дзейнасць

Аўтар 30 навуковых і навукова-папулярных прац.

Узнагароды

• Ордэн Леніна (1966).
• Два ордэна Працоўнага Чырвонага Сцяга.
• Прэмія Савета Міністраў СССР (1976).

Зноскі

1. Ведамства БССР, якое на працягу 1986—1991 гадоў выконвала функцыі Міністэрства сельскай гаспадаркі
2. Пастанова Вярхоунага Савета БССР ад 21 лютага 1991 г. № 625-XII «Аб прызначэнні Міністра сельскай гаспадаркі і харчавання БССР» (руск.) (нявызн.)(недаступная спасылка). Архівавана з першакрыніцы 13 лютага 2018. Праверана 13 верасня 2015.
3. Пастанова Кабінета Міністраў Рэспублікі Беларусь ад 28 кастрычніка 1994 № 146 «Аб вызваленні Ф. У. Мірачыцкага ад пасады Міністра сельскай гаспадаркі і харчавання Рэспублікі Беларусь» (руск.)