Фёдар Васільевіч Пакроўскі

Фёдар Васільевіч Пакро́ўскі^[1] (руск.: Фёдор Васильевич Покровский; 1855, Кастрамская губерня — 31 ліпеня 1903, г. Падольск, Маскоўская губерня) — археолаг^[2], музейны супрацоўнік.

Фёдар Васільевіч Пакроўскі
руск.: Фёдор Васильевич Покровский
Дата нараджэння	1855
Месца нараджэння	Кастрамская губерня, Расійская імперыя
Дата смерці	31 ліпеня 1903(1903-07-31)
Месца смерці	Падольск, Падольскі павет[d], Маскоўская губерня, Расійская імперыя
Род дзейнасці	археолаг
Навуковая сфера	археалогія, музейная справа
Месца працы	Віленскі музей старажытнасцей
Альма-матар	Санкт-Пецярбургская духоўная акадэмія

У Вікіпедыі ёсць артыкулы пра іншых людзей з прозвішчам Пакроўскі.

Біяграфія

Выхаванец Санкт-Пецярбургскай духоўнай акадэміі^[2], якую скончыў у 1879^[1] годзе. Выкладаў у Мінскім і Віленскім духоўных вучылішчах^[1].

У 1884—1902 гадах быў захавальнікам Віленскага музея старажытнасцей, рабіў археалагічныя раскопкі ў Заходнім краі і ў Кастрамской губерні.

У 1893—1899 гадах складаў археалагічныя карты Віленскай, Ковенскай і Гродзенскай губерняў^[3].

Навуковая дзейнасць

Вывучаў і апісваў літоўскія і беларускія археалагічныя помнікі. Вынікі раскопак і даследаванняў надрукаваў у шырокіх творах: «Археологические карты губерний Виленской, Гродненской и Ковенской», «Описание виленского музея древностей» і іншых^[2]. Апісаў фонд Віленскага музея старажытнасцей^[1].

Прымаў удзел у падрыхтоўцы і правядзенні IX археалагічнага з’езда ў Вільні ў 1893 годзе^[1]. Член Маскоўскага археалагічнага таварыства з 1893 года^[1].

Працы

• Описание Виленского музея древностей, Вильна, 1892.
• Археологическая карта Виленской губернии. Вильна, 1893.
• Археологическая карта Гродненской губернии. Вильна, 1895.
• Археологическая карта Ковенской губернии. Вильна, 1899.
• K исследованию курганов и городищ на восточной окрайне современной Литвы // Труды IX apxeoлогического съезда. — M., 1897. Т. II, с. 138—196.

Зноскі

1. Беларусь 1995.
2. Покровский, Федор Васильевич // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
3. Fiodoras Pokrovskis. Lietuviškoji tarybinė enciklopedija, IX t. Vilnius: Mokslo ir enciklopedijų leidybos institutas, 1982. T.IX: Pintuvės-Samneris, 75 psl.