Фабіян Мацвеевіч Ярэміч

Фабіян Мацвеевіч Ярэміч (20 студзеня 1891, вёска Дуляўцы сучаснага Ваўкавыскага раёна — 29 чэрвеня 1958) — беларускі грамадска-палітычны дзеяч.

Фабіян Мацвеевіч Ярэміч
Род дзейнасці	журналіст
Дата нараджэння	18 студзеня 1891(1891-01-18)
Месца нараджэння	Дуляўцы, Роскі сельсавет, Ваўкавыскі раён, Беларусь
Дата смерці	29 чэрвеня 1958(1958-06-29) (67 гадоў)
Месца смерці	Вільня, Віленскае гарадское самакіраванне, Літоўская ССР, СССР
Месца пахавання	Літва
Грамадзянства	Польшча
Месца працы	Беларускі інстытут гаспадаркі і культуры Сялянская ніва
Альма-матар	Афіцэрская электратэхнічная школа[d]
Партыя	Беларускі сялянскі саюз
Член у	Беларускі нацыянальны камітэт, Вільня Цэнтральная беларуская рада Віленшчыны і Гродзеншчыны Рада БНР Беларускі пасольскі клуб
Бітвы/войны	польска-савецкая вайна
Медыяфайлы на Вікісховішчы
Творы ў Вікікрыніцах

У Вікіпедыі ёсць артыкулы пра іншых людзей з прозвішчам Ярэміч.

Біяграфія

Паходзіў з беларускай сялянскай каталіцкай сям’і. Скончыў электратэхнічную школу ў Пецярбургу. Працаваў у Вільні тэхнікам. За сацыял-дэмакратычную работу сярод тэлеграфістаў зняволены ў турме (1912). Старшыня Беларускага нацыянальнага камітэта ў Вільні. Дэлегат Першага Усебеларускага з’езда (снежань 1917). Сябра прэзідыума Цэнтральнай беларускай рады Віленшчыны і Гродзеншчыны. Сябра Рады БНР (1918).

Фабіян Ярэміч пад сцягам «Сялянскі саюз» на карыкатуры ў часопісе «Маланка» № 15, 1926

У 1919—1922 — начальнік тэлефоннай станцыі ў Вільні. Дэпутат сейма Польшчы 3-х скліканняў (1922 — 1935), старшыня Беларускага пасольскага клуба ў 1925—1930. Адзін з арганізатараў і лідараў Беларускага сялянскага саюза (1925), Беларускага інстытута гаспадаркі і культуры (1926). Выдаваў газету «Сялянская ніва» (1925—1930). У 1926 г. у складзе польскай парламенцкай дэлегацыі разам з Пятром Мятлой наведаў БССР.

У час Другой сусветнай вайны працаваў у органах акупацыйнай адміністрацыі ў Мінску і Барысаве. Удзельнік Другога Усебеларускага кангрэса (1944). У 1945—1956 рэпрэсаваны і зняволены савецкімі ўладамі ў канцлагеры. Выйшаўшы на волю, жыў у Вільні.

Зноскі