Харчовыя дабаўкі

Харчовая дабаўка — уведзенае падчас вытворчасці або гандлю ў харчовы выраб рэчыва для захавання або надання водару, смаку ці выгляду. Воцатная і малочная кіслоты, кухонная соль выкарыстоўваюцца цягам тысячагоддзяў. Шырокае выкарыстанне большасці іншых пачалося ў 2-й палове ХХ ст. з развіццём знешняга гандлю і выяўнай, каляровай рэкламы.

Харчовыя дабаўкі

Віды

Паводле прызначэння падзяляюцца на:

• фарбавальнікі  (англ.) (E100-199);
• кансерванты  (англ.) (Е200-299);
• антыакісляльнікі (Е300-399);
• стабілізатары  (англ.), загушчальнікі  (англ.), эмульгатары (Е400-499);
• рэгулятары кіслотнасці і рэчывы супраць злежвання (Е500-599);
• водара- і смакаўзмацняльнікі (Е600-699);
• іншыя (Е900-999, Е1000-1999), у тым ліку глазуравальнікі, мукаапрацоўнікі, разрыхляльнікі, хлебазапякальнікі, падсаладжальнікі, пенаўтваральнікі, пенагаснікі, вільгацезахавальнікі, жэлявальнікі.

Бяспека

Аб’яднаны камітэт экспертаў па харчовых дабаўках Сусветнай арганізацыі аховы здароўя і Харчова-сельскагаспадарчай арганізацыі Аб’яднаных нацый ухваляе выкарыстанне рэчыва ў харчовай вытворчасці пры бяспечнасці ў доследах на жывёлах. Аднак Еўрапейскае агенцтва па харчовых стандартах доследна выявіла ператраўліванне сінтэтычнага азазлучэння  (англ.) (Е128), раней дазволенага як чырвоны  (англ.) фарбавальнік кілбас і мяса, у атрутны анілін.

Беларусь

У Беларусі пры вытворчасці харчавання для дзяцей першага года жыцця з харчовых дабавак дапускаецца выкарыстанне толькі солі. У вырабах для дзяцей да трох гадоў выключаецца выкарыстанне генетычна змененай сыравіны^[1].

Зноскі

1. Надзея Нікалаева Харчовыя дабаўкі: за і супраць // Звязда. — 9 лютага 2010. — № 6 (175). — С. 5. Архівавана з першакрыніцы 3 чэрвеня 2014.