Хаўер Мілей

Хаўер Герарда Мілей (ісп.: Javier Gerardo Milei; 22 кастрычніка 1970, Буэнас-Айрэс) — эканаміст, палітык, прэзідэнт Аргенціны з 10 снежня 2023 года, першы ў свеце прэзідэнт-лібертарыянец^[8].

Хаўер Мілей
ісп.: Javier Gerardo Milei
член Палаты дэпутатаў Аргенціны[d] 10 снежня 2021 — 10 снежня 2023
President of La Libertad Avanza (Argentina)[d] з 23 лютага 2019
прэзідэнт Аргенціны з 10 снежня 2023
Папярэднік	Альберта Фернандэс
Нараджэнне	22 кастрычніка 1970(1970-10-22) (54 гады) Буэнас-Айрэс, Аргенціна
Імя пры нараджэнні	ісп.: Javier Gerardo Milei
Веравызнанне	каталіцтва[1] і Артадаксальны іўдаізм[d]
Партыя	Freedom Advances[d][2] Avanza Libertad[d] (2021)[3] Libertarian Party[d][4][5][…]
Адукацыя	Colegio Cardenal Copello[d] (1988)[6] University of Belgrano[d] (1993) IDES[d] Torcuato di Tella University[d]
Дзейнасць	эканоміка і палітыка[7]
Аўтограф
Узнагароды	Juan de Mariana Award[d] (21 чэрвеня 2024) Hayek Medal[d] (23 чэрвеня 2024) Genesis Prize[d] (14 студзеня 2025)
Сайт	javiermilei.com (ісп.)
Медыяфайлы на Вікісховішчы

Біяграфія

У юнацкія гады займаўся футболам, быў брамнікам каманды другога дывізіёна Chacarita Juniors. Стварыў музычны гурт Everest, які выконваў каверы на песні The Rolling Stones, быў у ёй вакалістам.

У 1993 годзе скончыў Універсітэт Белграна, атрымаў ступень бакалаўра эканомікі, працягваў вучобу ў Інстытуце эканамічнага і сацыяльнага развіцця, а таксама ў Універсітэце Торкуата-Ды-Тэла.

Больш за 20 гадоў сам выкладаў у розных ВНУ Аргенціны і іншых краін макра- і мікраэканоміку, матэматыку для эканамістаў, манетарную палітыку, фінансавыя тэорыі і тэорыі эканамічнага росту. Удзельнічаў у канферэнцыях, пісаў навуковыя творы, выдаў кнігі.

Працаваў эканамістам у кампаніях Estudio Broda, Máxima AFJP, HSBC, Corporación América. Узначальваў Дэпартамент эканамічных даследаванняў Аналітычнага цэнтра Fundación Acordar. Быў дарадцам урада Аргенціны.

Як эканамічны назіральнік, выступаў на радыё і тэлебачанні. Атрымаў вядомасць праз свае радыкальныя погляды, скандальныя заявы і эксцэнтрычныя паводзіны. У яго выступах часта гучалі абразы ў адрас апанентаў і выкарыстоўвалася нецэнзурная лексіка.

У 2021 годзе Хаўер Мілей стварыў блок «Свабода надыходзіць» лібертарыянскай накіраванасці. У тым жа годзе быў абраны ў Палату дэпутатаў Кангрэса Аргенціны. Затым вылучыў сваю кандыдатуру на пасаду прэзідэнта і на выбарах, якія адбыліся 19 лістапада 2023 года, атрымаў 55,69 % галасоў выбаршчыкаў^[9][10].

Палітычныя погляды

Актыўны прыхільнік аўстрыйскай школы эканомікі, крытык папярэдняй эканамічнай і дзяржаўнай палітыкі Аргенціны. Мілей пераважна характарызуе сябе як мінархіст і лібертарыянец, падтрымлівае капіталістычны лад, свабоду выбару ў такіх пытаннях як абарот зброі, аднаполыя шлюбы, прастытуцыя, спажыванне псіхаактыўных рэчываў^[11][12].