Хмызняковы смоўж

Хмызняковы слімак або хмызняковы смоўж (Fruticicola fruticum) — беспазваночная жывёла падкласу лёгачных малюскаў класу бруханогіх.

Хмызняковы смоўж
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Надтып:  Спіральныя Тып:  Малюскі Клас:  Бруханогія Падклас:  Сапраўдныя смаўжы Атрад:  Лёгачныя малюскі Падатрад:  Eupulmonata Інфраатрад:  Сцяблініставокія малюскі Надсямейства:  Helicoidea Сямейства:  Bradybaenidae Род:  Fruticicola Від:  Хмызняковы смоўж
Міжнародная навуковая назва
Fruticicola fruticum O. F. Müller, 1774
Сістэматыка на Віківідах Выявы на Вікісховішчы NCBI   326384 EOL   4893196

Апісанне

Ракавіна бурштынава-жоўтая, памер і форма як у вінаграднага смаўжа. Цела падзяляецца на галаву, тулава і нагу. На галаве 2 пары шчупальцаў. На канцах адной пары размешчаны вочы, з дапамогай якіх смоўж адрознівае прадметы на адлегласці некалькіх сантыметраў, на другой пары — органы нюху і дотыку. Улоўлівае пах корму і полавага партнёра на адлегласці да 1,5—2 м.

Пашырэнне

Пашыраны ў Паўночнай Азіі. У малакафаўне Беларусі адзначаецца рэдка, адзіны прадстаўнік сямейства Bradybaenidae, рэліктавы від антрапагенавага перыяду. Жыве ў вільготных, пераважна альховых, лясах, у зарасніках крапівы, падбелу і іншых травяністых раслін.

Асаблівасці біялогіі

Раслінаедны.

Гермафрадыт. Апладненне перакрыжаванае. Яйцы адкладвае ў глебу.

Зімой у спячцы ў лясным подсціле. Адтуліна ракавіны зімой закрыта слізістай плеўкай.

Корм для дзікоў, жаб. Ворагі — драпежныя лічынкі жукоў. Прамежкавы гаспадар некаторых гельмінтаў млекакормячых.

Працягласць жыцця 5—6 гадоў.

Літаратура

• Дзесяцік I. I. Хмызняковы смоўж // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.