Цна (прыток Свіслачы)

У гэтага тапоніма ёсць і іншыя значэнні, гл. Цна.

У гэтага тапоніма ёсць і іншыя значэнні, гл. Цнянка.

Цна — рака ў Беларусі у Мінскім раёне Мінскай вобласці Беларусі, левы прыток ракі Свіслач (басейн Дняпра).

Цна
Характарыстыка
Даўжыня	14 км
Басейн	70 км²
Вадацёк
Вусце	Свіслач
• Каардынаты	53°57′05″ пн. ш. 27°29′50″ у. д.HGЯO
Ухіл ракі	1,4 м/км
Размяшчэнне
Водная сістэма	Свіслач → Бярэзіна → Дняпро → Чорнае мора
Краіна	Беларусь
Рэгіён	Мінская вобласць
Раён	Мінскі раён
вусце
вусце

Назва

Назвы тыпу Цна фіксуюцца на Верхнім Падняпроўі, Верхнім Павоччы, Верхнім Падонні. Ул. Тапароў, следам за К. Бугам, звязвае іх з балцка-прускім tusnan "ціхі"^[1][2][3].

В. Жучкевіч звязваў са славянскім дзесная «правая». А. Сабалеўскі - ад славянскага тъсьнъ «вузкая»^[4]. М. Фасмер назву Цна параўноўвае са ст.-пруск. tusna- «ціхі», авест. tušna-, tušni- «ціхі», ст.-інд. tūsním «ціха» і з тушыць^[5].

Гідраграфія

Сутокі Цны і Свіслачы каля былой в. Зацань (цяпер на тэрыторыі Мінска)

Даўжыня ракі 14 км. Плошча вадазбору 70 км². Сярэдні нахіл воднай паверхні 1,4 м/км. Вадазбор у межах Мінскага ўзвышша. Рэчышча Цны каналізаванае амаль на ўсім працягу.

Цна выцякала з балаціны, на паўночным ускрайку якой была вёска Забалоцце, з-пад пагорка, на якім цяпер могілкі (паміж Забалоццем і Дроздава).

На карце 1797 г. рэчка пазначаная як «Цнянка». Паселішчы на яе берагах абазначаліся як «Цна-Хмарынская», «Цна-Ёдкава» і «Цнянка».