Цына шыракалістая

Цы́на шыракалістая^[1][2] (Cinna latifolia) — від кветкавых раслін роду Цына (Cinna) сямейства Метлюжковыя (Poaceae).

Цына шыракалістая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Падсямейства:  Pooideae Трыба:  Poeae Падтрыба:  Poinae Род:  Цына Від:  Цына шыракалістая
Міжнародная навуковая назва
Cinna latifolia (Trevir. ex Göpp.) Griseb., 1852
Сістэматыка на Віківідах Выявы на Вікісховішчы ITIS   40584 NCBI   29669 EOL   1114283 IPNI   396371-1 TPL   kew-405415

Батанічнае апісанне

Лісце, ліставая похва і каласок цыны шыракалістай

Шматгадовыя травяністыя расліны да 1—2 м вышынёй, з доўгімі падземнымі парасткамі, неапушаныя. Лісце простае, суцэльнае, пляскатае, з доўгім язычком, шурпатае, чаргаванае, 10—22 см даўжынёй і 1—1,5 см шырынёй. Суквецце — гронка, сабраная з каласкоў ад зялёнага да крыху пурпурнага колеру. Ніжняя кветкавая лускавінка звычайна з кароткім асцюком. Цвіце познім летам і восенню. Плод — зярняўка.

Распаўсюджанне і месцапражыванне

Расце ў Еўропе і Паўночнай Амерыцы. У Еўропе зрэдку сустракаецца ў Нарвегіі, Швецыі, Эстоніі, Фінляндыі, краінах Прыбалтыкі і Расіі, таксама сустракаецца ў разрозненых месцах у Сібіры, у Японіі і на Каўказе. Больш часта гэты від сустракаецца ў Паўночнай Амерыцы, дзе расце на Алясцы, у Канадзе і паўночных і цэнтральных штатах ЗША.

Цына шыракалістая аддае перавагу месцам з прахалодным, мяккім, вільготным мікракліматам, напрыклад, рачным берагам.

Ахоўваецца ў Эстоніі, Фінляндыі і шэрагу рэгіёнаў Расіі^[3].

Сінаніміка

• Agrostis alba var. koreensis Nakai
• Agrostis latifolia Trevir.
• Agrostis suaveolens Blytt ex Sommerf.
• Blyttia suaveolens (Blytt) Fr.
• Cinna arundinacea var. pendula (Trin.) A.Gray
• Cinna expansa Link
• Cinna kamtschatica Rupr.
• Cinna latifolia var. glomerata Scribn. ex Beal
• Cinna latifolia var. glomerula (Scribn.) Beal
• Cinna pendula (Trin.) Trin.
• Cinna pendula var. acutiflora Vasey ex Macoun
• Cinna pendula var. glomerula Scribn.
• Cinna pendula var. glomerulata Macoun
• Cinna pendula var. mutica Vasey
• Cinna suaveolens (Blytt ex Sommerf.) Rupr.
• Cinna suaveolens (Blytt ex Sommerf.) Fries in Schouw
• Muhlenbergia baicalensis Trin. ex Turcz., nom. inval.
• Muhlenbergia pendula Trin.^[4]

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 38. — 160 с. — 2 350 экз.
2. Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
3. Цинна широколистная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
4. Цына шыракалістая: звесткі пра назву таксона на сайце The Plant List (version 1.1, 2013). (англ.) (Праверана 12 снежня 2015)