Цэнтральнаякуцкая раўніна

Цэнтральнаякуцкая раўніна, Цэнтральнаякуцкая нізіна, Вілюйская нізіна^[1] (руск.: Центральноякутская равнина, якуцк.: Саха сирин ортоку намтала) — раўніна на тэрыторыі Расіі, ва Усходняй Сібіры, у Якуціі.

Цэнтральнаякуцкая раўніна
руск.: Центральноякутская равнина, якуцк.: Саха сирин ортоку намтала
Рака Вілюй
Каардынаты: 64°30′ пн. ш. 121°00′ у. д.HGЯO
Размяшчэнне	Расія, Якуція
Вышыня над узроўнем мора	400 м
Рэкі	Лена, Вілюй, Марха, Цюнг, Ліндэ
Цэнтральнаякуцкая раўніна
Цэнтральнаякуцкая раўніна

Знаходзіцца ў міжрэччы рэк Лена і Вілюй. Уяўляе з сябе плоскую, моцна забалочаную раўніну, падзеленую далінамі рэк. Вышыні складаюць 60—400 м. Пашырана вечная мерзлата. На раўніне вялікая колькасць азёр тэрмакарставага паходжання, аласы і булгуняхі. Большая частка раўніны занятая лістоўнічнымі і лістоўнічна-хваёвымі лясамі. Месцамі бярозавыя лясы і лугавы стэп. Клімат рэзка кантынентальны.

На раўніне маюцца радовішчы каменнага вугалю, жалезных і поліметалічных руд, золата, алмазаў, слюды, прыроднага газу.

Зноскі

1. Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17.