Цюльпан лясны

Цюльпан лясны, гарду́к^[1] (Tulipa sylvestris) — кветкавая расліна роду Цюльпан (Tulipa) сямействаЛілейныя (Liliaceae).

Цюльпан лясны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Лілеякветныя Сямейства:  Лілейныя Падсямейства:  Лілейныя Трыба:  Tulipeae Род:  Цюльпан Від:  Цюльпан лясны
Міжнародная навуковая назва
Tulipa sylvestris L., 1753
Сістэматыка на Віківідах Выявы на Вікісховішчы ITIS   43106 NCBI   248498 EOL   1083021 GRIN   t:404988 IPNI   543106-1 TPL   kew-290017

У паняцця ёсць і іншыя значэнні, гл. Цюльпан лясны (значэнні).

Tulipa sylvestris

Апісанне

Шматгадовая травяністая цыбульная расліна з прамым голым тонкім сцяблом вышынёй 30—40 см і 2-4 адхіленымі ад яго лістамі. Лісце вузкае, жалабатае, бліскучае, даўжынёй да 20—25 см. Кветкі званочкавыя, ярка-жоўтыя, са слабым прыемным пахам, адзіночныя (рэдка па 2 на канцах сцябла). Калякветнік з 6 свабодных лісцікаў, размешчаных у 2 кругі. Плод — прадаўгаватая трохгранная каробачка.

Арэал

Міжземнамор’е (поўдзень Італіі, Балканскі паўвостраў); натуралізаваўся ў многіх краінах Сярэдняй і Атлантычнай Еўропы, на поўдні Скандынавіі. Месцы росту — шыракалістыя лясы ў далінах рэк. Расце невялікімі, рэдка значнымі групамі.

Размнажэнне

Цвіце ў канцы мая, пладаносіць у чэрвені. Размнажэнне вегетатыўнае; штогод новая цыбуліна нарастае зверху старой, а таксама фармуюцца новыя цыбуліны на канцах вертыкальных і гарызантальных сталонаў.

Выкарыстанне і ахова

Дэкаратыўная расліна.

Занесена ў Чырвоную кнігу Беларусі з 1981 года.

Зноскі

1. В. Ластоўскі Расійска-Крыўскі (Беларускі) слоўнік. старонка 802