Цяхцінскі сельсавет

Цяхці́нскі сельсавет — адміністрацыйна-тэрытарыяльная адзінка ў складзе Бялыніцкага раёна Магілёўскай вобласці Беларусі. Цэнтр — аграгарадок (да 2010 года вёска) Цяхцін.

Цяхцінскі сельсавет
Краіна	Беларусь
Уваходзіць у	Бялыніцкі раён
Уключае	22 населеныя пункты
Адміністрацыйны цэнтр	Цяхцін
Дата ўтварэння	15 студзеня 1965
Насельніцтва (2019)	1 160
Часавы пояс	UTC+03:00
Код аўтам. нумароў	6
Афіцыйны сайт

Гісторыя

Утвораны 15 студзеня 1965 года ў складзе Бялыніцкага раёна Магілёўскай вобласці БССР у складзе 25 населеных пунктаў (Асавец, Асман-Касаева, Асмолаўка, Ашуркаўка, Бахані, Вугольшчына, Гута, Дубрава, Дуцькі, Жорнаўка, Забавы, Каліноўка, Красны Бор, Крушынаўка, Курганне, Ленінскі, Мазкі, Малінаўка, Містраўкі, Монеўка, Несцераўка, Паліўнікі, Пільшычы, Прыбар і Цяхцін), якія былі вылучаны з Запольскага сельсавета^[1]. 23 жніўня 1968 года скасаваны пасёлак Крушынаўка^[2], 20 ліпеня 2015 года — вёска Красны Бор і пасёлак Жорнаўка^[3].

Насельніцтва

Насельніцтва сельсавета паводле перапісу 2009 года — 1485 чалавек^[4], з іх 95,8 % — беларусы, 2,9 % — рускія, 1,0 % — украінцы^[5]; паводле перапісу 2019 года — 1160 чалавек^[6].

Зноскі

1. Рашэнне выканкома Магілёўскага абласнога Савета дэпутатаў працоўных ад 15 студзеня 1965 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1965, № 10 (1090).
2. Рашэнне выканкома Магілёўскага абласнога Савета дэпутатаў працоўных ад 23 жніўня 1968 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1968, № 29 (1223).
3. Решение Белыничского районного Совета депутатов от 20 июля 2015 г. № 14-5 Об упразднении сельских населенных пунктов Белыничского района
4. Насельніцтва населеных пунктаў Магілёўскай вобласці Беларусі паводле перапісу 2009 года
5. Этнічны склад насельніцтва сельсаветаў Беларусі паводле перапісу 2009 года
6. Насельніцтва населеных пунктаў Магілёўскай вобласці Беларусі паводле перапісу 2019 года