Вугольшчына

Вуго́льшчына^[1] або Угальшчына (трансліт.: Vuhoĺščyna, руск.: Угольщина) — вёска ў Бялыніцкім раёне Магілёўскай вобласці. Уваходзіць у склад Цяхцінскага сельсавета.

Вёска Вугольшчына Краіна Беларусь Вобласць Магілёўская Раён Бялыніцкі Сельсавет Цяхцінскі Каардынаты 53°49′30″ пн. ш. 29°45′46″ у. д.HGЯO Насельніцтва ▼27 чал. (2019) Часавы пояс UTC+3 Тэлефонны код +375 2232 Паштовыя індэксы 213177 Аўтамабільны код 6 СААТА 7204835121 Вугольшчына Вугольшчына Вугольшчына

Гісторыя

У 1624 годзе ў складзе фундуша нададзеная Бялыніцкаму кляштару кармелітаў^[2].

25 сакавіка 1918 года згодна з Трэцяй Устаўной граматай вёска абвяшчалася часткай Беларускай Народнай Рэспублікі. 1 студзеня 1919 года згодна з пастановай I з’езда КП(б) Беларусі ўвайшла ў склад Беларускай ССР, аднак 16 студзеня Масква адабрала яе разам з іншымі этнічна беларускімі тэрыторыямі ў склад РСФСР. У сакавіку 1924 года вёску вярнулі БССР, з 17 ліпеня 1924 года ў складзе Бялыніцкага раёна Магілёўскай акругі (да 26 ліпеня 1930 года), з 20 лютага 1938 года ў Магілёўскай вобласці.

У 1924—1960 гадах цэнтр Вугольшчынскага сельсавета.

У Вялікую Айчынную вайну з ліпеня 1941 года да 27 чэрвеня 1944 года акупіравана нямецкімі войскамі. У вёсцы базіраваўся нямецкі гарнізон, разгромлены 121-м партызанскім атрадам^[3].

З 11 красавіка 1960 года да 15 студзеня 1965 года вёска ўваходзіла ў склад Запольскага сельсавета^[4][5].

Славутасць

• Курганны могільнік-1 і курганны могільнік-2 перыяду ранняга сярэднявечча, размешчаныя ва ўрочышчы Бор за 1,3 км на поўдзень ад в. Угальшчына —  Гісторыка-культурная каштоўнасць Беларусі, шыфр 513В000398шыфр 513В000398.
• Селішча перыяду ранняга сярэднявечча (X–XIII стагоддзі), 0,8 км на поўдзень ад вёскі —  Гісторыка-культурная каштоўнасць Беларусі, шыфр 513В000399шыфр 513В000399.
• Стаянка-1 і стаянка-2 перыяду неаліту, 0,7 км на поўдзень ад вёскі, на левым беразе р. Друць —  Гісторыка-культурная каштоўнасць Беларусі, шыфр 513В000400шыфр 513В000400.
• Курганы перыяду ранняга сярэднявечча (X–XIII стагоддзі), каля могілак —  Гісторыка-культурная каштоўнасць Беларусі, шыфр 513В000401шыфр 513В000401.

Вядомыя асобы

• Віктар Уладзіміравіч Альшэўскі (нар. 1953) — беларускі мастак.
• Віталь Фядосавіч Мядзведзеў (нар. 1928) — беларускі эканаміст.