Цімошышча

Цімо́шышча, Чумакі — возера ў Калінкавіцкім раёне Гомельскай вобласці Беларусі ў басейне ракі Прыпяць, за 16 км у напрамку на паўднёвы ўсход ад горада Калінкавічы, за 1,4 км на поўдзень ад вёскі Пеніца, прыкладна за 2 км на паўночны захад ад вёскі Шарэйкі.

Цімошышча
Морфаметрыя
Вышыня над узроўнем мора	115,4[1] м
Даўжыня	1,37 км
Шырыня	0,3 км
Плошча	0,2 км²
Даўжыня берагавой лініі	2,8 км
Размяшчэнне
Краіна	Беларусь
Рэгіён	Гомельская вобласць
Цімошышча
Цімошышча

Плошча паверхні возера 0,2 км². Даўжыня 1,37 км, найбольшая шырыня 0,3 км. Даўжыня берагавой лініі 2,8^[2] км. Катлавіна возера выцягнутая ў напрамку з паўночнага захаду на паўднёвы ўсход. Схілы катлавіны невыразныя. У паўднёва-ўсходняй частцы злучаецца пратокай з возерам Дворышча, у паўночна-заходняй частцы з сеткай меліярацыйных каналаў і ракой Закованка (прыток Прыпяці).

У возеры водзяцца шчупак, лешч, акунь, карась, плотка, лінь і іншыя віды рыб.

Зноскі

1. Ліст карты N-35-143. Выданне 1976 г. (руск.)
2. Морфометрические параметры озёр Гомельской области // Справочник «Водные объекты Республики Беларусь» Архівавана 25 сакавіка 2020. (руск.)