Чабор украінскі

Чабор украінскі (Thymus pulegioides) - від раслін сямейства ясноткавыя (Lamiaceae), распаўсюджаны ў Еўропе.

Чабор украінскі
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ясноткакветныя Сямейства:  Ясноткавыя Падсямейства:  Nepetoideae Трыба:  Мятныя Падтрыба:  Menthinae Род:  Чабор Від:  Чабор украінскі
Міжнародная навуковая назва
Thymus pulegioides L., 1753
Сістэматыка на Віківідах Выявы на Вікісховішчы ITIS   505500 NCBI   751873 EOL   484541 IPNI   461562-1 TPL   kew-205310

Назва

Відавы эпітэт паходзіць ад лац.: pulegium — мята віду Mentha pulegium і стар.-грэч.: -οειδεϛ — суфікса, які паказвае на падабенства^[1].

Беларускія назвы: ціміяк, чабрэц, мацержанка, чабур, чомбер, чабер ліловы, чабёр белы, чамбор красны, сіміан.

Батанічнае апісанне

Шматгадовая расліна, паўкустарнічак з высокімі (10-20 (25) см даўжынёй) слаба адраўнелымі парасткамі, якія прыўздымаюцца толькі ў аснове. Лісце моцна араматычнае, яйцападобнай формы, на кароткіх ножках, ліставыя пласціны памерам 8-18 × 5-10 мм. Суквецце галоўкавае, да канца цвіцення выцягнутае, са злёгку расстаўленымі кольцамі. Чашачка 3.5-4 мм даўжынёй, часта пурпурная. Кветкі даўжынёй ≈ 6 мм, ад ружовай да пурпурнай афарбоўкі^[2][3].

Распаўсюджанне

Распаўсюджаны ў Еўропе (Данія, Нарвегія, Швецыя, Вялікабрытанія, Аўстрыя, Бельгія, Чэхія, Славакія, Германія, Венгрыя, Нідэрланды, Польшча, Швейцарыя, Беларусь, Эстонія, Латвія, Літва, Украіна, Албанія, Балгарыя, былая Югаславія, Грэцыя, Італія, Румынія, Францыя, Партугалія, Іспанія), звычайны на вапнавых сухіх пашах^[3][4][5].

Зноскі

1. Dictionary of Botanical Epithets (нявызн.). Архівавана з першакрыніцы 22 січня 2020. Праверана 30.08.2021. (англ.)
2. Доброчаева Д. Н., Котов М. И., Прокудин Ю. Н., и др. Определитель высших растений Украины. — К.: Наук. думка, 1987. — С. 312. (руск.) (укр.)
3. The Alpine Garden Society (нявызн.). Праверана 06.09.2018. (англ.)
4. The Euro+Med PlantBase (нявызн.). Архівавана з першакрыніцы 8 вересня 2018. Праверана 06.09.2018. (англ.)
5. Germplasm Resources Information Network (GRIN) (нявызн.). Архівавана з першакрыніцы 8 вересня 2018. Праверана 06.09.2018. (англ.)