Чашачка азёрная

Чашачка азёрная (Acroloxus lacustris) — від прэснаводных лёгачных малюскаў класа бруханогіх.

Чашачка азёрная
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Надтып:  Спіральныя Тып:  Малюскі Клас:  Бруханогія Падклас:  Сапраўдныя смаўжы Атрад:  Лёгачныя малюскі Падатрад:  Сядзячавокія малюскі Надсямейства:  Lymnaeoidea Сямейства:  Acroloxidae Род:  Acroloxus Від:  Чашачка азёрная
Міжнародная навуковая назва
Acroloxus lacustris Linnaeus, 1758
Выявы на Вікісховішчы NCBI   240811 EOL   2978369

Апісанне

Ракавіна шчыткападобная, з моцна ссунутай назад вяршыняй, даўжыня да 7—8 мм. Мантыйная поласць рэдукаваная, ніжні край мантыі мае лопасцепадобны выраст, які функцыяніруе як жабры. Вочы каля асновы шчупальцаў.

Арэал

Пашырана ў Еўразіі. Водзіцца пераважна ў стаячых вадаёмах. Трымаецца на сцяблах і лісці падводных і водных раслін (не падымаецца вышэй узроўню вады) або на адмерлым чароце, трыснягу, аеры.

Значэнне і экалогія

Кормяцца водарасцямі, зялёнымі часткамі раслін. Удзельнічаюць у біялагічным ачышчэнні вадаёмаў.

Літаратура

• Гаўрылаў С. Анцыліды // Энцыклапедыя прыроды Беларусі. У 5 т. Т. 1. — Мн.: БелСЭ, 1983.