Чорны таракан

Чорны таракан^[1] (Blatta orientalis) — насякомае роду Blatta сямейства Blattidae атраду тараканападобных (Dictyoptera).

Чорны таракан
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Polyneoptera Атрад:  Тараканападобныя Падатрад:  Тараканавыя Сямейства:  Blattidae Падсямейства:  Blattinae Род:  Blatta Від:  Чорны таракан
Міжнародная навуковая назва
Blatta orientalis Linnaeus, 1758
Сінонімы
Kakerlac Serville, 1839 Steleopyga Fischer von Waldheim, 1833 Stylopyga Fischer von Waldheim, 1846
Сістэматыка на Віківідах Выявы на Вікісховішчы ITIS   102404 NCBI   6976 EOL   1076404

Апісанне

Адносна невялікае (дарослыя самцы 18-29 мм, дарослыя самкі — 20-27 мм) цёмна-карычневае альбо чорнае насякомае, цела мае глянцавы бляск^[2]. У самцоў карычневыя доўгія крылы (дзве трэці даўжыні цела), у самак кароткія крылы, якія цяжка заўважыць з першага погляду^[3]. Цела самкі больш шырокае. Нягледзячы на крылы, ні самка, ні самец не могуць лятаць (але хутка бегаюць).

Распаўсюджанне

Распаўсюджаны на тэрыторыі Еўропы, сустракаецца ў Афрыцы і Азіі. Першапачаткова насяляў паўвостраў Крым і тэрыторыі, што прылягаюць да Чорнага і Каспійскага мораў^[2], але зараз з'яўляецца касмапалітам^[4]. Тым не менш, пачынаючы з сярэдзіны XX стагоддзя, папуляцыя чорнага таракана змяншаецца з-за канкурэнцыі з прусаком і ўжывання сучасных інсектыцыдаў.

Экалогія

На тэрыторыі Беларусі можа жыць толькі ў ацяплённых памяшканнях. На Поўдні, пачынаючы з паўднёвай Украіны, жыве і ў дзікай прыродзе, тым не менш часцей сустракаецца каля чалавечых селішчаў.

Зноскі

1. Максімава С. Тараканавыя // БЭ ў 18 т. Т. 15. Мн., 2002.
2. Robinson, William H. (14 April 2005). Urban Insects and Arachnids: A Handbook of Urban Entomology. Cambridge University Press. p. 51. ISBN 978-0-521-81253-5.
3. Мамаев Б. М., Медведев Л. Н. и Правдин Ф. Н. Определитель насекомых европейской части СССР. — М.: «Просвещение», 1976. — С. 43—44. — 304 с.
4. Arnett, Jr., Ross H. (28 July 2000). American Insects: A Handbook of the Insects of America North of Mexico, Second Edition. CRC Press. p. 195. ISBN 978-0-8493-0212-1.