Чыжоўскія могілкі

Чыжоўскія могілкі — адны з абмежавана дзеючых могілак горада Мінска.

Чыжоўскія могілкі?
53°49′36″ пн. ш. 27°38′37″ у. д.HGЯO
Размяшчэнне
Гісторыя
Дата заснавання	1960
Плошча	141,7 га
Медыяфайлы на Вікісховішчы

Адкрыты для пахаванняў у 1965 годзе, абмежаваны ў 1988 годзе. Плошча: 141,7 га. Знаходзяцца ў мікрараёне «Чыжоўка»^[1]. Вядомы таксама пад мянушкай «Чыжоўка 8» як неіснуючы восьмы мікрараён жылога раёна «Чыжоўка»^[2].

Сярод вядомых пахаванняў — цыганскія магілы і пахаванні савецкіх вайскоўцаў, загінулых у Афганістане^[3]. Сюды перанесены два пахаванні асоб, верагодна забітых падчас Курлоўскага расстрэлу 1905 года: Ілля Ісаакавіч Файнберг (справавод Лібава-Роменскай чыгункі) і Абрам-Лейба Гур(э)віч^[4].

Таксама на гэтых могілках пахаваны некаторыя ахвяры трагедыі на Нямізе (1999), у гонар якіх усталяваны некалькі мемарыялаў.

Да могілак ходзіць аўтобус № 94С. Яго канцавы прыпынак знаходзіцца каля ўвахода.

Памятны знак ахвярам трагедыі на Нямізе на могілках.

Алея ахвяр трагедыі 30 мая 1999 г. на Чыжоўскіх могілках.

Вядомыя асобы

• Леанард Іларыёнавіч Адамаў (1941—1977) — савецкі беларускі футбаліст.
• Уладзімір Андрэевіч Акоркаў^[ru] (1915—1981) — чыгуначнік, Герой Сацыялістычнай Працы.
• Антон Антонавіч Алешка (1913—1971) — беларускі пісьменнік.
• Міхаіл Уладзіміравіч Анемпадыстаў (1964—2018) — беларускі мастак.
• Алесь Асіпенка (1919—1994) — беларускі пісьменнік, сцэнарыст.
• Мікалай Андрэевіч Бабанін^[ru] (1918—1990) — савецкі афіцэр, удзельнік Польскага паходу РСЧА і Вялікай Айчыннай вайны. Герой Савецкага Саюза.
• Ксаверый Міхайлавіч Байдак^[ru] (1906—1982) — савецкі военачальнік, генерал-маёр.
• Ісак Яфрэмавіч Баляслаўскі (1919—1977) — савецкі шахматыст, міжнародны гросмайстар.
• Давід Іонавіч Бранштэйн^[ru] (1924—2006) — савецкі і расійскі шахматыст, гросмайстар.
• Міхаіл Аркадзевіч Бергер (1909—1981) — беларускі піяніст і педагог.
• Дзяніс Рыгоравіч Булахаў (1905—1984) — Герой Сацыялістычнай Працы.
• Пётр Іванавіч Валкадаеў (1911—1973) — беларускі літаратар.
• Іван Дзмітрыевіч Вятроў (1905—1986) — адзін з арганізатараў і кіраўнікоў камуністычнага падполля і партызанскага руху на тэрыторыі Палескай вобласці.
• Міхаіл Міхайлавіч Гармоза (1917—1985) — Герой Савецкага Саюза.
• Павел Антонавіч Гарошак (1925—1994) — савецкі ваенны дзеяч, Герой Савецкага Саюза.
• Сцяпан Захаравіч Гаўрусёў (1931—1988) — беларускі паэт, перакладчык.
• Якаў Бенцыёнавіч Герцовіч (1910—1976) — беларускі літаратурны крытык.
• Лявон Іванавіч Грышук (1951—2020) — беларускі мастак.
• Іван Васілевіч Козел (1928—1970) — беларускі драматург.
• Антон Мітрафанавіч Кецка (1907—1978) — прэсвітар Мінскай царквы евангельскіх хрысціян-баптыстаў. Праведнік народаў свету.
• Зіновій Рыгоравіч Калабанаў (1911—1994) — савецкі танкіст-ас.
• Мікалай Міхайлавіч Калюноў (1907—1972) — беларускі ўрач лячэбнай фізічнай культуры.
• Арцемій (Кішчанка) (1952—2023) — беларускі царкоўны дзеяч, выкладчык, архіепіскап Гродзенскі і Ваўкавыскі.
• Арон Якаўлевіч Круп^[ru] (1937—1971) — савецкі паэт, бард.
• Мікола Радзівонавіч Лупсякоў (1919—1972) — беларускі пісьменнік.
• Эрнст Аркадзевіч Ляўкоў (1935—1996) — беларускі геолаг, краязнавец.
• Аскар Пятровіч Марыкс (1890—1976) — беларускі тэатральны мастак, жывапісец, педагог.
• Аляксей Уладзіміравіч Ніканчыкаў (1940—1972) — савецкі фехтавальшчык на шпагах.
• Пётр Пятровіч Падкавыраў (1910—1977) — савецкі кампазітар.
• Аляксандр Лявонавіч Петрашкевіч (1930—2012) — беларускі пісьменнік, драматург.
• Іван Яфімавіч Сакалоў^[ru] (1892—1971) — генерал-маёр Савецкай Арміі.
• Міхась Стральцоў (1937—1987) — беларускі пісьменнік, літаратуразнаўца.
• Васіль Іванавіч Сцяпанаў (1903—1979) — беларускі савецкі філосаф.
• Кастусь Іванавіч Тарасаў (1940—2010) — беларускі пісьменнік, журналіст.
• Мікалай Мікалаевіч Улашчык (1906—1986) — беларускі гісторык, археограф, этнограф, краязнавец, літаратар.
• Юрый Віктаравіч Хадыка (1938—2016) — беларускі навуковец, грамадскі і культурны дзеяч.
• Яўген Міхайлавіч Целешаў (1923—1997) — удзельнік Вялікай Айчыннай вайны, Герой Савецкага Саюза.
• Уладзімір Паўлавіч Цяслюк^[ru] (1913—1977) — беларускі савецкі кінааператар.
• Барыс Львовіч Шапашнік (1902—1985) — савецкі канструктар аўтамабіляў.
• Міхаіл Іосіфавіч Эрдман (1886 — ?) — беларускі навуковец і дзяржаўны дзеяч.
• Мікалай Фёдаравіч Ярмоленка (1900—1972) — беларускі вучоны-хімік.
• Ізраіль Мацвеевіч Басаў (1918—1994) — беларускі жывапісец і графік.

Зноскі

1. Кладбище Чижовское // Мои корни
2. С. Інанец Лукашэнка: «Чыжоўкай дзяцей пужалі». Беларускі рокер Алег Хаменка паказаў свой раён Архівавана 19 ліпеня 2020. // TUT.BY
3. Чижовское кладбище, Минск // Funeral.by
4. Чыжоўскія могілкі. Гісторыя першая. Рэха Курлоўскага расстрэлу // ЖЖ