Шаўры

Шаўры́^[1] (трансліт.: Šaŭry, руск.: Шавры) — вёска ў Воранаўскім раёне Гродзенскай вобласці. Уваходзіць у склад Доцішскага сельсавета.

Вёска Шаўры Краіна Беларусь Вобласць Гродзенская Раён Воранаўскі Сельсавет Доцішскі Каардынаты 54°04′57″ пн. ш. 24°54′45″ у. д.HGЯO Насельніцтва 40 чалавек (2014) Часавы пояс UTC+3 Тэлефонны код +375 1594 Аўтамабільны код 4 Шаўры Шаўры

Шаўры на Вікісховішчы

Гісторыя

Сядзіба Нарбутаў на малюнку Напалеона Орды, 1877

Вядома з другой паловы XIX ст., уласнасць Нарбутаў. Побач з вёскай існаваў маёнтак (фальварак).

У 1889 годзе ў краязнаўчым часопісе «Wisła» быў апублікаваны нарыс Біруты «Дажынкі на Літве» з апісаннем жніўнага абраду з песнямі ў в. Шаўры.

У Першую сусветную вайну з верасня 1915 года да канца 1918 года тэрыторыя акупавана германскімі войскамі. Са студзеня 1919 года ў складзе БССР, у красавіку занята польскімі войскамі. З ліпеня да верасня 1920 года кантралявалася Чырвонай Арміяй, затым ізноў польскімі войскамі. З 1921 года ў складзе Польскай Рэспублікі.

З 1939 года — у БССР. З канца чэрвеня 1941 года да пачатку ліпеня 1944 года пад нямецка-фашысцкай акупацыяй.

Да 5 кастрычніка 2007 года вёска ўваходзіла ў склад Нацкага сельсавета^[2].

Славутасці

Пахаванні Остык-Нарбутаў, у тым ліку магілы жонкі Тэадора Нарбута — Крысціны з Садоўскіх і іх сына Баляслава (1845—1889)

• Мемарыяльны камень удзельнікам паўстання 1863-64 гг.
• Сядзіба
• Сямейны могільнік роду Остык-Нарбутаў.

Вядомыя асобы

• Тэадор Нарбут (1784—1864) — гісторык, інжынер.
• Людвік Нарбут (1832—1863) — вайсковец, удзельнік паўстання 1863—1864 гг.
• Станіслаў Нарбут (1853—1926) — вучоны-медык.
• Францішак Нарбут (1845—1892) — капітан узброеных сіл паўстанцаў 1863—1864 гг.