Шчаўе воднае

Шчаўе воднае, Шчаўе вадзяное, Шчаўлюк крынічны^[1][2][3] (Rumex aquaticus) — шматгадовая травяністая расліна, від роду Шчаўе (Rumex) сямейства Polygonaceae.

Шчаўе воднае
Агульны выгляд квітнеючай расліны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гваздзікакветныя Сямейства:  Драсёнавыя Трыба:  Rumiceae Род:  Шчаўе Від:  Шчаўе воднае
Міжнародная навуковая назва
Rumex aquaticus L., 1753
Сінонімы
Lapathum maximum Gilib.
Сістэматыка на Віківідах Выявы на Вікісховішчы ITIS   504904 NCBI   1470351 EOL   485388 GRIN   t:32523 IPNI   301511-2 TPL   kew-2424118

Распаўсюджанне і асяроддзе пражывання

Расліна распаўсюджана на ўсёй тэрыторыі Еўразіі ад скандынаўскіх краін і Брытаніі да Кітая і Японіі. У Расіі паўсюдна сустракаецца ў сярэдняй паласе еўрапейскай часткі, расце ў многіх абласцях Сібіры і Далёкага Усходу.

Часта прымеркавана да берагоў вадаёмаў, селіцца на забалочаных лугах і каля балот, можа расці на пясчаных глебах і галечніках, сярод зараснікаў вярбы.

Батанічнае апісанне

Батанічная ілюстрацыя Якаба Штурма з кнігі «Deutschlands Flora in Abbildungen», 1796

Сцябло пакрыта валаскамі, прамое, 50-150 см вышынёй, падоўжна пакрыта баразёнкамі.

Лісце простае, цэльнакрайняе, чарговае, завостранае, голае; ніжняе — на доўгіх, незразумела жалабковых хвосціках, сэрцападобна-трохкутнае.

Кветкі абодваполыя, актынаморфныя, з простым зялёным калякветнікам, у мутоўках. Суквецці мяцёлкавыя, з прыціснутымі галінкамі. Цвіце ў чэрвені — ліпені.

Плод — арэшак цёмна-бурага колеру, каля 3 мм даўжынёй.

Гаспадарчае значэнне і прымяненне

Падземныя часткі расліны ўтрымліваюць дубільныя рэчывы.

Маюцца звесткі аб выкарыстанні расліны ў народнай медыцыне^[4].

Батанічная класіфікацыя

Падвіды:

• Rumex aquaticus subsp. arcticus (Trautv.) Hiitonen
  • [syn. Rumex arcticus Trautv.]
  • [syn. Rumex kamtschadalus Kom.]
  • [syn. Rumex ursinus Maximova]
• Rumex aquaticus subsp. protractus (Rech.f.) Rech.f.
  • [syn. Rumex protractus Rech.f.]

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 113. — 160 с. — 2 350 экз.
2. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. Горы-Горкі, 1927
3. Чоловский К. Опыт описания Могилевской губернии. По программе и под редакцией А. С. Дембовецкого, кн. I. Могілев.
4. Гл. спасылку GRIN у картцы расліны.