Шчытоўка коскападобная

Шчытоўка коскападобная, Шчытоўка яблыневая коскападобная (Lepidosaphes ulmi) — від паўцвердакрылых насякомых са сямейства шчытовак (Coccidae), атрада раўнакрылых хобатных, шкоднік многіх пладовых культур, лясных парод і кустоў. Распаўсюджаны ў раёнах росту яблыні.

Шчытоўка коскападобная
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Атрад:  Паўцвердакрылыя Падатрад:  Sternorrhyncha Надсямейства:  Coccoidea Сямейства:  Шчытоўкі Род:  Lepidosaphes Від:  Шчытоўка коскападобная
Міжнародная навуковая назва
Lepidosaphes ulmi
Сістэматыка на Віківідах Выявы на Вікісховішчы ITIS   200793 NCBI   1230922 EOL   835158

Апісанне

Цела даўжынёй 0,8 — 1,5 мм знаходзіць пад шчытком (каля 3 мм), які ў самкі карычнева-буры, часта нагадвае коску, у самца часам светла-карычневы.

Спосаб жыцця

Харчуецца ляснымі пародамі і кустамі. Сустракаецца на яблынях. Адкладае яйкі ў кару ў жніўні. Лічынкі, якія жывуць пад карой, харчуюцца сокамі дрэва.

Яйкі (па 20 — 90 шт.) адкладваюць у жніўні пераважна на маладой кары дрэў. Пасля іх зімоўкі (пад шчытком самкі) адраджаюцца лічынкі («бадзяжкі») якія распаўзаюцца па галінах, прысмоктваюцца да іх, харчуюцца сокамі расліны і пашкоджваюць пры гэтым камбій і клеткі камбіяльнай зоны. Меры барацьбы прафілактычныя і хімічныя^[1].

Зноскі

1. БЭС-Большая Советская Энциклопедия, Яблонная запятовидная щитовка