Юзаф Верашчака

Юзаф Мікалай Амбросі Францішак Ксаверы Верашчака (польск.: Józef Wereszczaka; 1796, Туганавічы — не раней за 1857) — службовец, памешчык.

Юзаф Верашчака
маршалак шляхты Навагрудскага павета 1824 — 1828
Нараджэнне	1796 Туганавічы, Навагрудскі павет, Слонімская губерня, Расійская імперыя
Смерць	не раней за 1857
Род	Верашчакі[d]
Бацька	Антоні Верашчака[d]
Маці	Францішка з Анцутаў[d]
Жонка	Людвіка з Раецкіх[d]
Дзеці	Марыя з Верашчакаў[d], Казімір Верашчака[d], Францішак Верашчака[d] і Соф’я з Верашчакаў[d]
Член у	Шчаслівае вызваленне Таварыства прамяністых
Адукацыя	Мінская мужчынская гімназія Віленскі ўніверсітэт
Узнагароды

У Вікіпедыі ёсць артыкулы пра іншых людзей з прозвішчам Верашчака.

Біяграфія

Паходзіць са шляхецкага роду Верашчакаў. Нарадзіўся сям’і Антонія Верашчакі, маршалка шляхты Новагародскага павета, і Францішкі з Анцутаў, дачкі берасцейскага суддзі. Меў брата Міхала і сястру Марылю, знакамітую каханую Адама Міцкевіча.

Хрышчаны 11 снежня 1796 года ў Варанчанскім касцёле. Вучыўся разам з братам і Т. Занам у Мінскай гімназіі, потым — у Віленскім універсітэце, належаў да Таварыства прамяністых. Уладальнік маёнтка Смольчыцы (121 душа ў 1838), які вымяняў у Туганоўскіх на дзедзічны маёнтак Туганавічы, таксама атрымаў у пасаг за жонкай маёнтак Райца з фальваркам Сёгда, а пазней і маёнтак Міратычы. У 1814 г. — дэпутат шляхты на гродзенскіх губернскіх выбарах. У 1821 г. — харунжы.

Член масонскай ложы «Шчаслівага Вызвалення» ў Нясвіжы.

Сябраваў з Адамам Міцкевічам, які прыязджаў да яго ў Туганавічы, у 1819 годзе размаўляў з Юзафам і Міхалам Верашчакамі пра масонаў. Жыццё туганаўскага двара Міцкевіч адлюстраваў на прыкладзе Сапліцова ў «Пане Тадэвушы».

У 1826 г. маршалак Навагрудскага павета. У 1833 — эмісар польскай эміграцыі М. Шыманскі прыбыў да Марылі Верашчака з адрасам яе брата Юзафа.

У в. Райца Карэліцкага раёна захаваўся яго сядзібны дом (цяпер будынак шпіталя).

Узнагароды

• ордэн Св. Уладзіміра 4-й ст. паводле ўказа імператара Аляксандра І ад 27.12.1825.

Сям’я

У шлюбе з Людвікай з Раецкіх, старэйшай дачкой навагрудскага маршалка Францішка Дунін-Раецкага. Дзеці:

• Міхал-Францішак-Канстанцін-Стэфан-Казімір (1831 — не раней за 1876)
• Францішак-Людвік-Аляксандр (1839 — не раней за 1876);
• Соф’я, замужам за паўстанцам 1863 г. К. Туганам.

Літаратура

• Швед, В. В. Верашчака Юзэф (Мікалай-Амбросі-Францішак-Ксаверы) Антоніевіч // Масоны і ложы на землях Беларусі (канец XVIII — першая чвэрць XIX ст.) : біябібліягр. слоўн.. — Гродна: ГрДУ, 2007. — 275 с. — ISBN 978-985-417-866-0.