Юрый Сямёнавіч Бушлякоў

Юрый (Юрась) Сямёнавіч Бушлякоў (29 мая 1973, Мінск — 4 чэрвеня 2013^[3], Мінск) — беларускі мовазнавец, журналіст і перакладчык.

Юрый Сямёнавіч Бушлякоў
Дата нараджэння	29 мая 1973(1973-05-29)
Месца нараджэння	Мінск, Беларуская ССР, СССР
Дата смерці	4 чэрвеня 2013(2013-06-04) (40 гадоў)
Месца смерці	Мінск, Беларусь
Месца пахавання	Паўночныя могілкі
Грамадзянства	СССР  Беларусь
Род дзейнасці	перакладчык, журналіст, мовазнавец, беларусазнавец, выкладчык універсітэта
Навуковая сфера	мовазнаўства[1], беларусазнаўства[1], radio journalism[d][1], перакладніцтва[d][1] і language standardization[d][2]
Месца працы	БДУ Беларускі гуманітарны ліцэй імя Якуба Коласа Карлаў універсітэт Радыё 101,2 Наша Ніва Беларускае Радыё Рацыя Радыё Свабода
Навуковая ступень	кандыдат філалагічных навук
Альма-матар	філалагічны факультэт БДУ

Біяграфічныя звесткі

Скончыў філалагічны факультэт БДУ з чырвоным дыпломам, аспірантуру. Працаваў выкладчыкам на кафедры сучаснай беларускай мовы БДУ (1999—2003), таксама выкладаў у Нацыянальным гуманітарным ліцэі ў Мінску, Карлавым універсітэце ў Празе. Адначасова займаўся журналістыкай, працаваў у тэлекампаніі «ФІТ» (1994—1995), на Радыё 101,2 (1995—1996), у штотыднёвіку «Наша Ніва» (1997), карэспандэнтам беларускай і ўкраінскай рэдакцый Польскага радыё (1997—1999), журналістам на Беларускім Радыё Рацыя (1999—2002), з 1996 года (праграма «Новае пакаленне выбірае») з перапынкамі супрацоўнічаў з «Радыё Свабода», у 2003—2004 гадах вёў там аўтарскую перадачу «Жывая мова» — нататкі з культуры беларускага маўлення. Меў сына.

Пахаваны на мінскіх Паўночных могілках.

Навукова-даследчыцкая дзейнасць

Абараніў кандыдацкую дысертацыю (2003) на тэму «Моватворчая практыка Янкі Станкевіча (з гісторыі нармалізацыі беларускай мовы)». Кірункі навуковых інтарэсаў — феномен моўнага пурызму, пытанні нармалізацыі беларускай літаратурнай мовы, яе стылістыкі і культуры.

Адзін з сааўтараў кнігі «Беларускі клясычны правапіс» (2005, разам з В. Вячоркам, З. Санько і З. Саўкам)^[4]. Таксама займаўся перакладамі, пераклаў на беларускую мову паасобныя творы Ч. Мілаша, Э. А. По, В. Гамбровіча, З. Герберта, Я. Сейферта.

Зноскі

1. Národní autority České republiky Праверана 7 лістапада 2022.

   <a href='https://wikidata.org/wiki/Track:Q13550863'></a>
2. Národní autority České republiky Праверана 7 лістапада 2024.

   <a href='https://wikidata.org/wiki/Track:Q13550863'></a>
3. Ня стала Юрася Бушлякова — Радыё Свабодная Еўропа/Радыё Свабода, 04 чэрвеня 2013.
4. Беларускі клясычны правапіс. Збор правілаў. Сучасная нармалізацыя. Вільня—Менск, 2005. — 160 с.