Юрый Віктаравіч Назараў

У Вікіпедыі ёсць артыкулы пра іншых людзей з прозвішчам Назараў.

Юрый Віктаравіч Назараў (нар. 7 лютага 1962, Горкі, Магілёўская вобласць) — беларускі дзяржаўны дзеяч, Намеснік Прэм’ер-міністра Беларусі (2020—2022), Кіраўнік справамі Прэзідэнта Беларусі (з 2022).

Юрый Віктаравіч Назараў
намеснік Прэм’ер-міністра Рэспублікі Беларусь[d] 3 сакавіка 2020 — 16 жніўня 2022
Пераемнік	Пётр Аляксандравіч Пархомчык
Кіраўнік справамі прэзідэнта Рэспублікі Беларусь[d] з 16 жніўня 2022
Папярэднік	Валерый Мікалаевіч Іваноў
Нараджэнне	7 лютага 1962(1962-02-07) (63 гады) Горкі, Горацкі раён, Магілёўская вобласць, Беларуская ССР, СССР[1]
Адукацыя	Беларускі дзяржаўны тэхналагічны ўніверсітэт Акадэмія кіравання пры Прэзідэнце Рэспублікі Беларусь
Узнагароды

Біяграфія

Адукацыя

• Беларускі тэхналагічны інстытут па спецыяльнасці «Лясная гаспадарка»;
• Акадэмію кіравання пры Прэзідэнце Рэспублікі Беларусь па спецыяльнасці «Міжнародныя эканамічныя адносіны».

Працоўная дзейнасць

З 1981 па 1982 гады працаваў лабарантам Беларускага тэхналагічнага інстытута імя С. М. Кірава.

З 1983 па 1988 гады працаваў ляснічым Зуброўскага лясніцтва, інжынерам па ахове лесу і паляўнічай фауны, галоўным ляснічым Горацкага лясгаса.

У 1988—2001 гадах выконваў абавязкі дырэктара, дырэктар Горацкага лясгаса.

З 2001 па 2004 гады займаў пасаду намесніка Старшыні Камітэта лясной гаспадаркі пры Савеце Міністраў Рэспублікі Беларусь, з 2004 па 2010 гады — намесніка Міністра лясной гаспадаркі Рэспублікі Беларусь.

У 2010—2013 гады — Намеснік кіраўніка спраў Прэзідэнта Рэспублікі Беларусь.

17 снежня 2013 года прызначаны Старшынёй канцэрна «Беллеспаперапрам»^[2].

3 сакавіка 2020 года прызначаны Намеснікам Прэм’ер-міністра Беларусі^[3].

16 жніўня 2022 года прызначаны Кіраўніком справамі Прэзідэнта Беларусі^[4].

Санкцыі

• У чэрвені 2022 года Назараў трапіў у санкцыйны спіс Канады^[5].
• З сакавіка 2025 года знаходзіцца ў санкцыйным спісе Еўрасаюза^[6].