Юрый Мікалаевіч Горлаў

Юрый Мікалаевіч Горлаў (нар. 1977, Бранская вобласць, СССР) — беларускі дзяржаўны дзеяч, Міністр сельскай гаспадаркі і харчавання Рэспублікі Беларусь (з 4 сакавіка 2025 года).

Юрый Мікалаевіч Горлаў
старшыня Маладзечанскага раённага выканаўчага камітэта[d] 31 жніўня 2018 — 25 верасня 2023
старшыня Стаўбцоўскага раённага выканаўчага камітэта[d] 2014 — 31 жніўня 2018
памочнік Прэзідэнта Рэспублікі Беларусь — інспектар па Гомельскай вобласці[d] 25 верасня 2023 — 3 сакавіка 2025
Папярэднік	Сяргей Іванавіч Барташ
Пераемнік	Руслан Віктаравіч Пархамовіч
міністр сельскай гаспадаркі і харчавання Рэспублікі Беларусь[d] з 4 сакавіка 2025
Папярэднік	Анатоль Канстанцінавіч Ліневіч
Нараджэнне	1977 Бранская вобласць, РСФСР, СССР[1]
Адукацыя	Бранскі дзяржаўны аграрны ўніверсітэт[d] (2000)[1] Акадэмія кіравання пры Прэзідэнце Рэспублікі Беларусь
Узнагароды

Біяграфія

Скончыў Бранскую дзяржаўную сельскагаспадарчую акадэмію і Акадэмію кіравання пры Прэзідэнце Рэспублікі Беларусь.

Працоўную дзейнасць пачынаў заатэхнікам у адной з гаспадарак Пухавіцкага раёна Мінскай вобласці. Працаваў у Валожынскім раёне галоўным заатэхнікам у калгасе «Бальшавік». Затым — у камітэце па сельскай гаспадарцы і харчаванні Мінскага аблвыканкама: прайшоў шлях ад галоўнага спецыяліста да начальніка ўпраўлення. У 2010 годзе прызначаны на пасаду першага намесніка старшыні Уздзенскага райвыканкама Мінскай вобласці. Праз два гады быў пераведзены ў Міністэрства сельскай гаспадаркі і харчавання, пасля працаваў у Мінскім аблвыканкаме.

У 2014 годзе ўзначаліў Стаўбцоўскі райвыканкам, у 2018 годзе прызначаны старшынёй Маладзечанскага райвыканкама Мінскай вобласці.

25 верасня 2023 года прызначаны памочнікам Прэзідэнта Беларусі — інспектарам па Гомельскай вобласці^[2].

4 сакавіка 2025 года прызначаны Міністрам сельскай гаспадаркі і харчавання Рэспублікі Беларусь.^[3]

Узнагароды

Узнагароджаны медалём «За бездакорную службу» III ступені (19 мая 2023)^[4].