Сяргей Іванавіч Барташ

У Вікіпедыі ёсць артыкулы пра іншых людзей з прозвішчам Барташ.

Сяргей Іванавіч Барташ (нар. 5 красавіка 1974, в. Рапяхі, Пружанскі раён, Брэсцкая вобласць) — беларускі дзяржаўны дзеяч, Міністр сельскай гаспадаркі і харчавання Рэспублікі Беларусь (2023—2024).

Сяргей Іванавіч Барташ
старшыня Бярозаўскага раённага выканаўчага камітэта[d] 20 кастрычніка 2020 — 3 кастрычніка 2022
Папярэднік	Леанід Аляксеевіч Мартынюк
памочнік Прэзідэнта Рэспублікі Беларусь — інспектар па Гомельскай вобласці[d] 3 кастрычніка 2022 — 8 жніўня 2023
Папярэднік	Мікалай Міхайлавіч Рагашчук
Пераемнік	Юрый Мікалаевіч Горлаў
міністр сельскай гаспадаркі і харчавання Рэспублікі Беларусь[d] 8 жніўня 2023 — 27 чэрвеня 2024
Папярэднік	Ігар Вячаслававіч Брыло
Пераемнік	Анатоль Канстанцінавіч Ліневіч
Нараджэнне	5 красавіка 1974(1974-04-05) (51 год) Рапяхі, Лінаўскі сельсавет, Пружанскі раён, Брэсцкая вобласць, Беларуская ССР, СССР[1]
Адукацыя	Гродзенскі сельскагаспадарчы інстытут (1995) Інстытут павышэння кваліфікацыі і перападрыхтоўкі БрДТУ (2006) Акадэмія кіравання пры Прэзідэнце Рэспублікі Беларусь (2012)

Біяграфія

Нарадзіўся ў 1974 годзе ў вёсцы Рапяхі Пружанскага раёна Брэсцкай вобласці.

У 1995 годзе скончыў Гродзенскі дзяржаўны сельскагаспадарчы інстытут па спецыяльнасці «аграномія». У 2006 годзе скончыў Інстытут павышэння кваліфікацыі і перападрыхтоўкі кадраў Брэсцкага дзяржаўнага тэхнічнага ўніверсітэта па спецыяльнасці «менеджмент у аграпрамысловым комплексе». У 2012 годзе скончыў Акадэмію кіравання пры Прэзідэнце Рэспублікі Беларусь па спецыяльнасці «кіраванне прадпрыемствамі аграпрамысловага комплексу».

Працоўную дзейнасць пачынаў аграномам, галоўным аграномам у калгасах імя Чапаева і «Дружба» Пружанскага раёна. Больш за дзесяць гадоў узначальваў ААТ «Лінаўскае» Пружанскага раёна, быў дэпутатам Пружанскага райсавета^[2].

У 2016 годзе назначаны намеснікам старшыні, затым — першым намеснікам старшыні — начальнікам упраўлення па сельскай гаспадарцы і харчаванні Кобрынскага райвыканкама. У 2019—2020 гадах узначальваў камітэт па сельскай гаспадарцы і харчаванні Брэсцкага аблвыканкама, з 20 кастрычніка 2020 года — старшыня Бярозаўскага райвыканкама. З 3 кастрычніка 2022 года ^[3] па 8 жніўня 2023 года^[4] — памочнік Прэзідэнта Рэспублікі Беларусь — інспектарам па Гомельскай вобласці.

8 жніўня 2023 года прызначаны Міністрам сельскай гаспадаркі і харчавання Беларусі^[5]. Займаў гэтую пасаду да 27 чэрвеня 2024 года^[6].

Зноскі

1. Зводны электронны каталёг бібліятэк Беларусі — 2015.

   <a href='https://wikidata.org/wiki/Track:Q27927503'></a>
2. Новый председатель райисполкома (нявызн.)(недаступная спасылка). Архівавана з першакрыніцы 10 кастрычніка 2022. Праверана 10 кастрычніка 2022.
3. Новы міністр, памочнік Прэзідэнта і абнаўленне мясцовай вертыкалі. Падрабязнасці кадравага дня ў Лукашэнкі
4. Указ Президента Республики Беларусь от 8 августа 2023 года № 251 «О С. И. Бартоше»
5. Лукашэнка назначыў Сяргея Барташа кіраўніком Мінсельгасхарча
6. Лукашенко сменил Алейника на Рыженкова и отправил министра промышленности послом в Россию (руск.). Reform.news (27 чэрвеня 2024).