Анатоль Канстанцінавіч Ліневіч

У Вікіпедыі ёсць артыкулы пра іншых людзей з прозвішчам Ліневіч.

Анатоль Канстанцінавіч Ліневіч (нар. 1968, в. Сухопаль, Пружанскі раён, Брэсцкая вобласць) — беларускі дзяржаўны дзеяч, Міністр сельскай гаспадаркі і харчавання Рэспублікі Беларусь (2024—2025).

Анатоль Канстанцінавіч Ліневіч
старшыня Капыльскага раённага выканаўчага камітэта[d] 3 сакавіка 2016 — 29 ліпеня 2019
Пераемнік	Сяргей Міхайлавіч Пілішчык[d]
памочнік Прэзідэнта Рэспублікі Беларусь — інспектар па Віцебскай вобласці[d] 29 ліпеня 2019 — 28 лютага 2023
намеснік старшыні Віцебскага аблвыканкама[d] 2023 — 27 чэрвеня 2024
міністр сельскай гаспадаркі і харчавання Рэспублікі Беларусь[d] 27 чэрвеня 2024 — 3 сакавіка 2025
Папярэднік	Сяргей Іванавіч Барташ
Пераемнік	Юрый Мікалаевіч Горлаў
Нараджэнне	1968[1] Сухопаль, Сухопальскі сельсавет, Пружанскі раён, Брэсцкая вобласць, Беларуская ССР, СССР[1]
Адукацыя	БДАТУ (1992)[2] БрДТУ (2004)[2] Акадэмія кіравання пры Прэзідэнце Рэспублікі Беларусь (2008)[2]
Узнагароды	юбілейны медаль «115 гадоў прафсаюзнаму руху Беларусі»[d]

Біяграфія

Скончыў Беларускі інстытут механізацыі сельскай гаспадаркі (1992), Брэсцкі дзяржаўны тэхнічны ўніверсітэт (2004), Акадэмію кіравання пры Прэзідэнце Рэспублікі Беларусь (2008)^[3].

Працоўную дзейнасць пачаў у 1992 годзе ў саўгасе «Ружанскі» Пружанскага раёна Брэсцкай вобласці, куды быў прыняты на працу ў якасці начальніка мехатрада. У 2000 годзе ўзначаліў кіраванне калгасам імя Ленінскага камсамола, а праз два гады быў прызначаны дырэктарам ААТ «Жураўлінае» — аднаго з вядучых сельскагаспадарчых прадпрыемстваў Брэсцкай вобласці па вырошчванні збожжавых культур, рапсу і прадукцыі садаводства, вытворчасці свініны, малака, мяса буйной рагатай жывёлы^[3].

З 2007 па 2011 год — генеральны дырэктар ААТ «Агракамбінат „Мачулішчы“» Мінскага раёна, у 2011 годзе прызначаны першым намеснікам генеральнага дырэктара ААТ "Кіруючая кампанія холдынгу «Агракамбінат „Мачулішчы“»", у склад якога ўваходзілі 23 прадпрыемствы^[3].

У 2012 годзе прызначаны першым намеснікам старшыні Дзяржынскага райвыканкама — начальнікам упраўлення сельскай гаспадаркі і харчавання, потым займаў розныя пасады ў Пружанскім райвыканкаме.

З 5 сакавіка 2016^[3] да 29 ліпеня 2019 года ўзначальваў Капыльскі раённы выканаўчы камітэт.

29 ліпеня 2019 года вызвалены ад пасады старшыні Капыльскага райвыканкама і прызначаны памочнікам Прэзідэнта Рэспублкі Беларусь — інспектарам па Віцебскай вобласці з прысваеннем першага класа дзяржаўнага служачага^[4]. Аляксандр Лукашэнка патлумачыў, што спыніў свой выбар на кандыдатуры Анатоля Ліневіча, таму што ён працяглы час працаваў у сельскай гаспадарцы і добра ведае гэтую сферу. 28 лютага 2023 года быў вызвалены ад пасады памочніка Прэзідэнта^[5] і ўзгоднены на месца першага намесніка старшыні Віцебскага аблвыканкама^[6].

27 чэрвеня 2024 года прызначаны Міністрам сельскай гаспадаркі і харчавання Рэспублікі Беларусь^[7]. 4 сакавіка 2025 года пазбаўлены пасады.^[8]

Узнагароды

Узнагароджаны медалём прападобнага Серафіма Сароўскага РПЦ (2016)^[9], медалём праведнай Сафіі, княгіні Слуцкай I ступені Слуцкай епархіі БПЦ (2018)^[10], юбілейным медалём «115 гадоў прафсаюзнаму руху Беларусі^[be-tarask]» (2019)^[11].