Юрый Паўлавіч Бондар

Ю́рый Па́ўлавіч Бо́ндар (нар. 11 красавіка 1973, Мінск) — беларускі палітолаг і дзяржаўны дзеяч. Кандыдат палітычных навук (2007), дацэнт (2009). Міністр культуры Рэспублікі Беларусь (2017—2020).

Юрый Паўлавіч Бондар
7-ы Міністр культуры Рэспублікі Беларусь 28 верасня 2017 — 19 лістапада 2020
Прэзідэнт	Аляксандр Лукашэнка
Кіраўнік урада	Андрэй Кабякоў Сяргей Румас Раман Галоўчанка
Папярэднік	Барыс Уладзіміравіч Святлоў
Пераемнік	Анатоль Мечыслававіч Маркевіч
Рэктар Беларускага дзяржаўнага ўніверсітэта культуры і мастацтваў 11 снежня 2012 — 28 верасня 2017
Папярэднік	Барыс Уладзіміравіч Святлоў
Пераемнік	Аліна Анатолеўна Корбут
Нараджэнне	11 красавіка 1973(1973-04-11) (52 гады) ці 1973[1] Мінск, Беларуская ССР, СССР
Бацька	Павел Іванавіч Бондар
Адукацыя	юрыдычны факультэт БДУ Акадэмія кіравання пры Прэзідэнце Рэспублікі Беларусь БДУ
Навуковая ступень	кандыдат палітычных навук
Дзейнасць	паліталогія[2], палітычная культура[d][2] і political education[d][2]
Месца працы	Беларускі дзяржаўны ўніверсітэт культуры і мастацтваў[3] Міністэрства культуры Рэспублікі Беларусь

У Вікіпедыі ёсць артыкулы пра іншых людзей з прозвішчам Бондар.

Біяграфія

Скончыў у 1997 годзе юрыдычны факультэт Беларускага дзяржаўнага ўніверсітэта па спецыяльнасці «правазнаўства». З 2001 года ў Беларускім дзяржаўным універсітэце культуры і мастацтваў, працаваў на пасадах выкладчыка, старшага выкладчыка, прарэктара па адміністрацыйна-гаспадарчай рабоце.

У 2006 годзе абараніў дысертацыю на саісканне вучонай ступені кандыдата палітычных навук па спецыяльнасці «тэорыя палітыкі, гісторыя і метадалогія палітычнай навукі» ў Акадэміі кіравання пры Прэзідэнце Рэспублікі Беларусь. У 2007 годзе скончыў Інстытут дзяржаўнай службы Акадэміі кіравання пры Прэзідэнце Рэспублікі Беларусь па спецыяльнасці «дзяржаўнае кіраванне сацыяльнай сферай». З 2008 года — першы прарэктар БДУКМ. У 2009 годзе прысвоена вучонае званне дацэнта па спецыяльнасці «паліталогія». У лютым 2013 года быў назначаны на пасаду рэктара БДУКМ. У 2014 годзе быў выбраны дэпутатам па Чыгуначнай выбарчай акрузе Мінска, намеснікам старшыні Мінскага гарадскога Савета дэпутатаў XVII склікання.

З верасня 2017 — у Міністэрстве культуры Рэспублікі Беларусь. 28 верасня 2017 года Прэзідэнтам Беларусі Аляксандрам Лукашэнкам прызначаны міністрам культуры Беларусі^[4]. 19 лістапада 2020 года вызвалены ад пасады міністра культуры Беларусі.

Навуковая дзейнасць

Юрый Бондар з’яўляецца аўтарам шматлікіх артыкулаў, дакладаў, навуковых публікацый, вучэбна-метадычных комплексаў. Займаецца палітычнай навукай, параўнальным аналізам палітычных даследаванняў у Беларусі і Расіі, палітычнай культурай і адукацыяй.

Сям’я

Сын Паўла Іванавіча Бондара (нар. 1943), доктара гістарычных навук^[5].

Погляды

У 2019 годзе ў інтэрв’ю перадачы «Ничего личного» на тэлеканале АНТ адмоўна выказаўся пра пашырэнне беларускай мовы ў дзяржаўнай сферы: «Я катэгарычна супраць адміністрацыйных мераў па ўкараненні беларускай мовы, мы гэта прайшлі ў пачатку 1990-х»^[6].

Меркаванні

Са слоў былой старшыні ўпраўлення культуры і народнай творчасці Міністэрства культуры Наталлі Задзяркоўскай, Юрый Бондар «не паказаў сябе дастаткова жорстка. У той ступені, якую патрабаваў час».

Зноскі

1. Národní autority České republiky Праверана 21 сакавіка 2022.

   <a href='https://wikidata.org/wiki/Track:Q13550863'></a>
2. Národní autority České republiky Праверана 7 лістапада 2022.

   <a href='https://wikidata.org/wiki/Track:Q13550863'></a>
3. https://www.intex-press.by/2020/11/19/novym-ministrom-kultury-naznachen-byvshij-pomoshhnik-prezidenta-inspektor-po-brestskoj-oblasti/
4. Указ Прэзідэнта Рэспублікі Беларусь № 349 «Об Ю. П. Бондаре» (руск.). Национальный правовой Интернет-портал Республики Беларусь (28 верасня 2017).
5. Бондар, Юрый Паўлавіч (кандыдат палітычных навук ; нар. 1973) (нявызн.). Праверана 01.10.2017.
6. Міністр культуры Бондар: Я катэгарычна супраць адміністрацыйных мераў па ўкараненні беларускай мовы (нявызн.). nashaniva.by (16 красавіка 2019). Архівавана з першакрыніцы 16-4-2019. Праверана 16-4-2019.