Юрылава

Юры́лава^[1] (трансліт.: Jurylava, руск.: Юрилово) — вёска ў Лагойскім раёне Мінскай вобласці. Уваходзіць у склад Задор’еўскага сельсавета.

Вёска Юрылава Краіна Беларусь Вобласць Мінская Раён Лагойскі Сельсавет Задор’еўскі Каардынаты 54°39′36″ пн. ш. 27°39′51″ у. д.HGЯO Насельніцтва ▼19 чал. (2009) Часавы пояс UTC+3 Тэлефонны код +375 1774 Паштовыя індэксы 223144 Аўтамабільны код 5 Юрылава Юрылава

Геаграфія

Месціцца за 63 кіламетры на паўночны захад ад Лагойска, за 102 кіламетры ад Мінска, за 28 кіламетраў ад чыгуначнай станцыі Княгінін (лінія Полацк — Маладзечна)^[2].

Гісторыя

У 1897 годзе адносілася да Мільчанскай воласці Барысаўскага павета Мінскай губерні, у пачатку XX стагоддзя — да Ізбішчанскай сельскай грамады. Акупіравана войскамі кайзераўскай Германіі (люты — снежань 1918 года), затым Польшчы (жнівень 1919 — ліпень 1920 года). З 20 жніўня 1924 года населены пункт знаходзіўся ў Ізбішчанскім сельсавеце Плешчаніцкага раёна Барысаўскай акругі, з 9 чэрвеня 1927 да 26 ліпеня 1930 года — у складзе Мінскай акругі, з 20 лютага 1938 года — у Мінскай вобласці. У 1931 годзе створаны калгас «Чырвоны пагранічнік». Вёска акупіравана гітлераўцамі ў перыяд з пачатку ліпеня 1941 да пачатку ліпеня 1944 года. У гады Вялікай Айчыннай вайны на фронце загінулі 4 вяскоўцы. Знаходзіцца ў Лагойскім раёне з 25 снежня 1962 года^[2]. Да 30 кастрычніка 2009 года вёска ўваходзіла ў склад Ізбішчанскага сельсавета^[3].

Насельніцтва

• 1800 год — 10 двароў, 72 жыхары
• 1897 год — 32 двары, 194 жыхары
• 1909 год — 28 двароў, 155 жыхароў
• 1917 год — 28 двароў, 179 жыхароў
• 1926 год — 30 двароў, 163 жыхары
• 1941 год — 44 двары, 174 жыхары
• 1969 год — 41 двор, 164 жыхары
• 2003 год — 17 двароў, 23 жыхары
• 2010 год — 13 гаспадарак, 18 жыхароў^[2]