Юры Сянькоўскі

Юры Сянькоўскі (6 мая 1926 — 13 лютага 1995) — грамадскі дзеяч, журналіст, кіраўнік беларускай рэдакцыі Радыё «Свабода».

Юры Сянькоўскі
Род дзейнасці	грамадскі дзеяч, журналіст
Дата нараджэння	6 мая 1926(1926-05-06)
Месца нараджэння	Залессе, гміна Смаргонь[d], Ашмянскі павет, Віленскае ваяводства, Польская Рэспубліка
Дата смерці	13 лютага 1995(1995-02-13) (68 гадоў)
Месца смерці	Мюнхен, Верхняя Баварыя, Баварыя, Германія
Месца пахавання	Фельдмохінг[d]
Жонка	Урcула Сянкоўская
Месца працы	Беларуская служба Радыё «Свабода»
Альма-матар	Лёвенскі каталіцкі ўніверсітэт
Член у	Саюз беларускай моладзі Беларускае студэнцкае згуртаванне[d]

Біяграфія

Нарадзіўся 6 мая 1926 года ў вёсцы Залессе Смаргонскай гміны Ашмянскага павета Віленскага ваяводства ў Польскай Рэспубліцы.

Падчас Другой сусветнай вайны ў часе нямецкай акупацыі быў сябрам СБМ, потым служыў у батальёне «Дальвіц».

Па сканчэнні вайны апынуўся ў беларускім лагеры для перамешчаных асобаў у Ватэнштэце. Актыўна ўдзельнічаў у скаўтынгу, у 1949 г. быў прызначаны кіраўніком Беларускага скаўтынгу на чужыне. Быў сябрам рэдкалегіі часопіса «Напагатове». У 1950—1956 гг. вучыўся ў Лювенскім універсітэце на эканамічным факультэце. Адзін з заснавальнікаў Беларускага студэнцкага згуртавання, удзельнік Беларускага хору Міколы Равенскага. Па сканчэнні ўніверсітэта пераехаў у Мюнхен, дзе працаваў у беларускай рэдакцыі радыё «Вызваленне / Свабода», а ў 1983—1991 гг., быў дырэктарам гэтай рэдакцыі.

Памёр 13 лютага 1995 года ў Мюнхене, Германія.

Спасылкі

• Радыё Свабода год за годам: 1991