Янушкавіцкі сельсавет

Яну́шкавіцкі сельсавет — адміністрацыйна-тэрытарыяльная адзінка ў складзе Лагойскага раёна Мінскай вобласці Беларусі. Цэнтр — вёска Янушкавічы. Размешчаны на паўночным усходзе раёна.

Янушкавіцкі сельсавет
Краіна	Беларусь
Статус	сельсавет
Уваходзіць у	Лагойскі раён
Уключае	38 населеных пунктаў
Адміністрацыйны цэнтр	Янушкавічы
Дата ўтварэння	20 жніўня 1924
старшыня	Ранеткін Вадзім Віктаравіч
Насельніцтва (2020)	1 422
Плошча	255 км²
Часавы пояс	UTC+03:00
Паштовыя індэксы	223124
Код аўтам. нумароў	5
Афіцыйны сайт

Утвораны 20 жніўня 1924 года ў складзе Лагойскага раёна Мінскай акругі БССР. Пасля скасавання акруговай сістэмы 26 ліпеня 1930 года ў Лагойскім раёне БССР. З 20 лютага 1938 года ў складзе Мінскай вобласці. 16 ліпеня 1954 года да сельсавета далучана тэрыторыя скасаванага Бясядскага сельсавета^[1]. 14 красавіка 1959 года да сельсавета далучана тэрыторыя скасаванага Калачоўскага сельсавета (20 населеных пунктаў: Аскрышына, Бабры, Барыскі, Вяпраты, Дашкі, Дзяніскі, Жабічы, Казлеўшчына, Калачы, Крамянец, Малыя Бясяды, Мачулішча, Мышкавічы, Мышыцы, Падваране, Панышы, Паўляняты, Рацькавічы, Селішча і Трусавічы), у склад сельсавета з Гайненскага сельсавета перададзены 3 населеныя пункты (вёскі Айнаравічы, Альхоўка і Бухнавічы)^[2]. 11 ліпеня 2014 года на тэрыторыі сельсавета была ўтворана вёска Губенічы^[3].

Насельніцтва сельсавета паводле перапісу 2009 года (37 населеных пунктаў) — 1676 чалавек^[4], з іх 95,9 % — беларусы, 3,1 % — рускія, 0,4 % — украінцы^[5]; паводле перапісу 2019 года (38 населеных пунктаў) — 1369 чалавек^[6].

Сельгаспрадпрыемствы:

• ТАА «СНБ-АГРА»;
• ЗТАА «Істэрн-Шып».

Зноскі

1. Указ Президиума Верховного Совета БССР от 16 июля 1954 г. Об объединении сельских советов Минской области // Сборник законов Белорусской ССР и указов Президиума Верховного Совета Белорусской ССР: 1938-1955 гг. — Мн.: Изд. Президиума Верхов. Совета БССР, 1956. — 347 с.
2. Рашэнне выканкома Мінскага абласнога Савета дэпутатаў працоўных ад 14 красавіка 1959 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1959, № 5.
3. Решение Логойского районного Совета депутатов от 11 июля 2014 г. № 18 Об образовании деревни Губеничи Янушковичского сельсовета Логойского района
4. Колькасць насельніцтва населеных пунктаў Мінскай вобласці Беларусі паводле перапісу 2009 года
5. Этнічны склад насельніцтва сельсаветаў Беларусі паводле перапісу 2009 года
6. Колькасць насельніцтва населеных пунктаў Мінскай вобласці Беларусі паводле перапісу 2019 года