Ян Дзмітрыевіч Далмат-Ісайкоўскі

Ян Дзмітрыевіч Далмат-Ісайкоўскі (? — да 4 красавіка 1628) — вялікалітоўскі дзяржаўны дзеяч.

Ян Дзмітрыевіч Далмат-Ісайкоўскі
Прус[d]
пісар скарбовы літоўскі 1592 — 1625
падкаморы ашмянскі[d] з 10 верасня 1612
Папярэднік	Мікалай Юр’евіч Зяновіч[d]
Пераемнік	Адам Мацей Саковіч
дзераўнічы віленскі[d] з 2 мая 1598
Папярэднік	Дзмітрый Халецкі
Пераемнік	Пётр Нонхарт
ключнік віленскі[d] з 1598
падключы віленскі[d] з 1591
Смерць	не раней за 14 сакавіка 1626 і не пазней за 27 лютага 1627
Род	Далматы-Ісайкоўскія
Бацька	Дзмітрый Далматавіч Ісайкоўскі
Маці	Фядора з Ела-Букаемскіх[d]
Дзеці	Караль Пётр Ісайкоўскі, Францішак Далмат-Ісайкоўскі, Мікалай Далмат-Ісайкоўскі і Ян Далмат-Ісайкоўскі[d][1]

Біяграфія

Паходзіў са шляхецкага роду Далматаў-Ісайкоўскіх герба «Прус I», сын Дзмітрыя Далматавіча.

Падключы віленскі з 1591 года, пісар скарбовы прыходавы літоўскі ў 1592—1625 гадах, ключнік і дзераўнічы віленскі з 1598 года, падкаморы ашмянскі з 1612 года, сурагатар Віленскага ваяводства з 1616 года.

Набыў у князя Аляксандра Пронскага маёнтак Ваўкалата ў Ашмянскім павеце, у 1624 годзе фундаваў касцёл у мястэчку Дунілавічы.

Сям’я

Сыны:

• Кароль Пётр (? — 27 мая 1640), ашмянскі падстолі і войскі, лоўчы вялікі літоўскі.
• Францішак (1599 — да 31 мая 1654), канонік віленскі, сакратар караля Уладзіслава IV, пісар скарбовы прыходавы літоўскі, кусташ віленскі, рэгент вялікай літоўскай канцылярыі, біскуп смаленскі.
• Мікалай (? — паміж 28 мая 1665 і 2 красавіка 1667), каралеўскі дваранін, стольнік упіцкі, лоўчы вялікі літоўскі.