Ясменцы

Ясменцы^[1] — былая^[2] вёска ў Спярыжскім сельсавеце Брагінскага раёна Гомельскай вобласці Беларусі.

Вёска Ясменцы Краіна Беларусь Вобласць Гомельская Раён Брагінскі Сельсавет Спярыжскі Каардынаты 51°43′57″ пн. ш. 30°10′40″ у. д.HGЯO Першая згадка XVIII стагоддзе СААТА 3203866091 Ясменцы Ясменцы

За 10 км на паўднёвы захад ад Брагіна, 27 км ад чыгуначнай станцыі Хойнікі (на галінцы Васілевічы — Хойнікі ад лініі Калінкавічы — Гомель), 130 км ад Гомеля. Транспартныя сувязі па прасёлкавай, затым аўтамабільнай дарозе Камарын — Брагін.

Гісторыя

Па пісьмовых крыніцах вядомая з XVIII стагоддзя як вёска ў Рэчыцкім павеце Мінскай губерні. З 1811 года валоданне Ракіцкіх. Паводле перапісу 1897 года знаходзіліся: капліца, вятрак, гамарня, у Брагінскай воласці.

У 1931 годзе арганізаваны калгас «Краіна саветаў», працавалі вятрак (з 1915 года) і гамарня. Паводле перапісу 1959 года. Уваходзіла ў склад калгасу імя М. І. Калініна (цэнтр — вёска Глухавічы).

Пасля катастрофы на Чарнобыльскай АЭС і радыяцыйнага забруджвання жыхары (35 сем’яў) пераселены ў 1986 годзе ў чыстыя месцы.

Да 8 студзеня 1987 года вёска ўваходзіла ў склад Глухавіцкага сельсавета^[3], пасля — у складзе Спярыжскага сельсавета.

У 2005 годзе вёска была выключана са звестак па ўліку населеных пунктаў^[2].

Планіроўка складалася з просталінейнай мерыдыянальнай вуліцы, забудаванай драўлянымі дамамі сядзібнага тыпу. У сувязі з высокім узроўнем радыяцыйнага забруджвання ўсе пабудовы знесены і пахаваны пад пластом зямлі.

Насельніцтва

• 1850 год — 11 двароў.
• 1897 год — 30 двароў, 195 жыхароў (паводле перапісу).
• 1908 год — 45 двароў, 227 жыхароў.
• 1959 год — 173 жыхары (перапіс).
• 1986 год — жыхары (35 сем’яў) пераселены.
• 2010 год — жыхароў няма.

Вядомыя асобы

• Барыс Васілевіч Шылец (1922—1988) — Герой Сацыялістычнай Працы^[4].