Яўген Германавіч Пятроў

Яўген Германавіч Пятро́ў (19 сакавіка 1939, Буда-Кашалёва, Гомельская вобласць, БССР — 27 жніўня 2001) — беларускі вучоны ў галіне экалагічнай фітацэналогіі^[1]. Доктар біялагічных навук (1983), прафесар, віцэ-прэзідэнт Беларускага батанічнага таварыства, член экспертнага савета.

Яўген Германавіч Пятроў
Дата нараджэння	19 сакавіка 1939(1939-03-19)
Месца нараджэння	Буда-Кашалёва, Буда-Кашалёўскі раён, Гомельская вобласць, Беларуская ССР, СССР
Дата смерці	27 жніўня 2001(2001-08-27) (62 гады)
Род дзейнасці	навуковец
Месца працы	Беларускі дзяржаўны тэхналагічны ўніверсітэт
Навуковая ступень	доктар біялагічных навук
Альма-матар	Буда-Кашалёўскі дзяржаўны аграрна-тэхнічны каледж (1957) Беларускі тэхналагічны інстытут імя С. М. Кірава (1962)
Партыя	КПСС

У Вікіпедыі ёсць артыкулы пра іншых людзей з прозвішчам Пятроў.

Біяграфія

Нарадзіўся 19 сакавіка 1939 года ў горадзе Буда-Кашалёва.

У 1957 годзе скончыў Буда-Кашалёўскі лясны тэхнікум, а ў 1962 г. — Беларускі тэхналагічны інстытут. З 1971 года на старэйшы навуковы супрацоўнік у Інстытуце эксперыментальнай батанікі Акадэміі навук БССР. З 1994 года прафесар кафедры лесаводства Беларускага дзяржаўнага тэхналагічнага ўніверсітэта.

Памёр 27 жніўня 2001 года^[2].

Навуковая дзейнасць

Займаўся вывучэннем ролі воднага фактара пры фарміраванні расліннасці лясоў, эколага-біялагічных фітацэнозаў на глебах грунтавога і атмасфернага ўвільгатнення.

Сярод апублікаваных прац:

• Водное питание и продуктивность сосновых фитоценозов. — Мн. 1978. (разам з Л. П. Смаляком)
• Водный режим и продуктивность лесных фитоценозов на почвах с атмосферныи увлажнением. — Мн., 1983.

Зноскі

1. Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.
2. Пятроў Яўген Германавіч, доктар біялагічных навук