Яўген Сяргеевіч Касцюкевіч

У Вікіпедыі ёсць артыкулы пра іншых людзей з прозвішчам Касцюкевіч.

Яўген Касцюкевіч (нар. 19 снежня 1989, Жодзіна) — беларускі футбаліст, брамнік.

Яўген Касцюкевіч
Поўнае імя	Яўген Сяргеевіч Касцюкевіч
Нарадзіўся	19 снежня 1989(1989-12-19)[1] (35 гадоў) Жодзіна, Мінская вобласць, Беларуская ССР, СССР
Грамадзянства	Беларусь
Рост	187 см
Вага	92 кг
Пазіцыя	брамнік
Клубная кар’ера[* 1]
2008—2009 Тарпеда (Жодзіна) 0 (0) 2015—2019 НФК (Мінск) 47 (-52/1)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.

Клубная кар’ера

Выхаванец жодзінскага «Тарпеда», гуляў за дубль клуба, прыцягваўся таксама да асноўнага складу. У 2008 годзе ездзіў на прагляд у маскоўскі ЦСКА, аднак з-за выяўленых праблем са здароўем быў вымушаны вярнуцца ў Беларусь і неўзабаве завяршыў кар’еру^[2]. Застаўся працаваць у Жодзіне^[3], пазней стаў таксама гуляць у футбол на аматарскім узроўні.

У 2015 годзе стаў працаваць у клубе «Крумкачы» трэнерам брамнікаў і відэааператарам. Пазней з-за некамплекту брамнікаў быў заяўлены за клуб у Першую лігу^[4] і неўзабаве стаў асноўным брамнікам клуба, якому дапамог выйсці ў Вышэйшую лігу. У сезоне 2016 стаў другім брамнікам «Крумкачоў» пасля Андрэя Федарэнкі. 7 мая 2016 года дэбютаваў у Вышэйшай лізе, правёўшы ўвесь матч супраць «Гарадзеі» (0:1).

Сезон 2017 пачаў у якасці другога брамніка «Крумкачоў» пасля Антона Амельчанкі, але той пазней атрымаў траўму і пакінуў каманду, што дазволіла Касцюкевічу заняць месца ў аснове. 29 ліпеня 2017 года ў матчы з «Віцебскам» (выніковы лік 2:2) адзначыўся голам пасля ўдару ад сваёй штрафной пляцоўкі, пазней у гэтым жа матчы атрымаў чырвоную картку і быў выдалены з поля.

Застаўся ў камандзе ў сезоне 2018, калі «Крумкачы» не былі дапушчаныя да ўдзелу ў Вышэйшай лізе і заявіліся ў Другую лігу. У чэрвені 2018 года з’ехаў на жыхарства ў Кітай^[5], у верасні вярнуўся ў Беларусь^[6] і неўзабаве зноў стаў выступаць за «Крумкачы».

У студзені 2019 года падоўжыў кантракт са сталічным клубам, які змяніў афіцыйную назву на НФК^[7]. У чэрвені 2019 года пакінуў каманду^[8]. Пасля пераехаў у Варшаву^[9].

Грамадская дзейнасць

18 жніўня падпісаў адкрыты ліст прадстаўнікоў спартыўнай галіны Рэспублікі Беларусь з патрабаваннем прызнаць несапраўднымі выбары прэзідэнта Рэспублікі Беларусь, якія прайшлі 9 жніўня 2020 года^[10].

Статыстыка выступленняў

Сезон	Дывізіён	Клуб	Краіна	Матчы	Галы
2008	дубль	Тарпеда		20	−13
2009	дубль	Тарпеда		12	−7
2015	Д2	Крумкачы		18	−18
2016	Д1	Крумкачы		4	−4
2017	Д1	Крумкачы		15	−21/1
2018	Д3	Крумкачы		9	−6
2019	Д2	НФК		1	−3