Яўген Рыгоравіч Дзягцярык

Яўген Рыгоравіч Дзягця́рык (2 снежня 1924, г. Пржавальск, Кыргызстан — 2001) — беларускі кампазітар.

Яўген Рыгоравіч Дзягцярык
Дата нараджэння	2 снежня 1924(1924-12-02)
Месца нараджэння	Каракол, Пржэвальскі павет[d], Кіргізская аўтаномная вобласць[d], РСФСР, СССР
Дата смерці	2001
Краіна	Беларусь
Альма-матар	Беларуская дзяржаўная кансерваторыя імя А. В. Луначарскага (1954)
Месца працы	Беларуская дзяржаўная акадэмія музыкі
Музычная дзейнасць
Педагог	Анатоль Васільевіч Багатыроў
Прафесіі	кампазітар
Грамадская дзейнасць
Член у	Беларускі саюз кампазітараў

У Вікіпедыі ёсць артыкулы пра іншых людзей з прозвішчам Дзягцярык.

Біяграфія

Скончыў у 1954 годзе Беларускую кансерваторыю (клас А. Багатырова), з 1962 года выкладае ў Беларускай акадэміі музыкі.

Член Беларускага саюза кампазітараў з 1957 года.

Творчасць

Асноўныя жанры творчасці камерна-інструментальныя і камерна-вакальныя. Сярод твораў: кантата «Радзіма» на словы Я. Коласа (1954), «Карнавальная сюіта» (1959), паэмы «Мора», «Світанне» (1960), «Палессе» (1962) для сімфанічнага аркестра; рапсодыя на тэмы беларускіх народных песень для цымбалаў з аркестрам (1962), уверцюра (1964), «Беларуская сюіта» (1964); п’есы для аркестра беларускіх народных інструментаў; камерна-інструментальныя ансамблі і п’есы; вакальныя цыклы на словы М. Багдановіча, Ш. Пецёфі, А. Міцкевіча, М. Хведаровіча; харавы цыкл «Ляцяць песні над Белай Руссю» на словы народныя і Я. Купалы.

Літаратура

• Р. М. Аладава. Дзягцярык Яўген Рыгоравіч // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).