Я вяртаўся дадому

«Я вярта́ўся дадо́му» — беларускі кароткаметражны дакументальны фільм, зняты рэжысёрам Вольгай Дашук на тэлеканале «Белсат» у 2020 годзе.^[1]

Я вяртаўся дадому
Я вяртаўся дадому
Жанр	дакументальны фільм
Рэжысёр	Вольга Віктараўна Дашук
Сцэнарыст	Вольга Віктараўна Дашук
У галоўных ролях	Віктар Шалкевіч
Аператар	Віктар Мікалаевіч Аслюк
Кампазітар	Віктар Шалкевіч
Кінакампанія	Белсат
Працягласць	36 хв.
Краіна	Беларусь
Мова	беларуская
Год	2020

Сюжэт

Фільм пра барда, акцёра і шоўмэна Віктара Шалкевіча, які выпраўляецца ў падарожжа з канцэртамі па беларускіх абшарах, у снег, вецер і дождж. Ён увасабленне беларускага духу. Праз ягоныя песні быццам выліваюцца ўсе стагоддзі беларускай гісторыі, яе веліч і ганьба, яе героі ды каты, благое і добрае, хаўтуры і святы — тое, што беларусаў злучае і раз’ядноўвае. Часам ён з гэтага іранізуе, але яму гэта баліць. Усё разам трансфармуецца ў словы і ноты. Усё тое, з чаго складаюцца ягоныя песні, ён увабраў у сябе яшчэ ў дзяцінстве, у мястэчку Поразава, якое для яго застаецца вечнаю містычнаю крыніцай. Сённяшні 60-гадовы Шалкевіч прыязджае ў Поразава, і падарожжа ў прасторы робіцца падарожжам у часе. Шалкевіч сутыкаецца з самім сабой, якім ён быў 30 гадоў назад. Малады Шалкевіч, чалавек-здань, зборны вобраз беларуса блукае па зямлі.

У фільме здымаліся

Акцёр	Роля
Віктар Шалкевіч	бард, акцёр, пісьменнік

Здымачная група

• аўтар сцэнарыя і рэжысёр — Вольга Дашук
• аператары — Віктар Аслюк, Анатоль Казазаеў

Зноскі

1. Я вяртаўся дадому (нявызн.). Белсат. Праверана 27 кастрычніка 2020.