Віктар Антонавіч Шалкевіч

У Вікіпедыі ёсць артыкулы пра іншых людзей з прозвішчам Шалкевіч.

Ві́ктар Анто́навіч Шалке́віч (нар. 9 лютага 1959(1959-02-09), Поразава, Гродзенская вобласць) — беларускі бард, акцёр, паэт і шоумэн. Вырас на памежжы беларускай, яўрэйскай і польскай культураў.

Віктар Антонавіч Шалкевіч
Віктар Шалкевіч.
Асноўная інфармацыя
Поўнае імя	Віктар Антонавіч Шалкевіч
Дата нараджэння	9 лютага 1959(1959-02-09) (66 гадоў)
Месца нараджэння	Поразава, Поразаўскі пасялковы савет, Поразаўскі раён, Гродзенская вобласць, Беларуская ССР, СССР
Краіна	Беларусь
Альма-матар	Беларуская дзяржаўная акадэмія мастацтваў
Месца працы	Гродзенскі абласны драматычны тэатр Гродзенскі дзяржаўны каледж мастацтваў[d] Гродзенскі абласны тэатр лялек Нацыянальны акадэмічны тэатр імя Янкі Купалы
Музычная дзейнасць
Прафесіі	спявак, пісьменнік, акцёр, кінаакцёр, аўтар песень
Гады актыўнасці	1980-па сённяшні дзень
Інструменты	гітара і вакал
Жанры	Бардаўская песня
Псеўданімы	Валенцы Едвабкевіч
Узнагароды
Медыяфайлы на Вікісховішчы

Біяграфія

Скончыў школу ў Поразава, затым Беларускі дзяржаўны тэатральна-мастацкі інстытут у Мінску (у 1980 годзе). Працаваў у Гродзенскім абласным драматычным тэатры (1980—1987), выкладчыкам у Гродзенскай культасветвучэльні (1987—1990). З 1990 па 2016 год працаваў у тэатры лялек у Гродна, адкуль сыйшоў па прычыне канфлікта з ідэолагамі.^[1] Выступае ў тэатры імя Янкі Купалы.

Творчасць

Яшчэ ў школе пачаў пісаць і выконваць песні на беларускай мове. «За частыя сустрэчы з дзецьмі і папулярызацыю сярод іх ведаў аб тэатры» быў узнагароджаны міжнародным Ордэнам Усмешкі. Саркастычныя творы Шалкевіча станоўча ўспрымаюцца сучаснікамі як прыклад класічнага гумару. Шалкевіч з'яўляецца лаўрэатам рэспубліканскіх і міжнародных конкурсаў аўтарскай песні, у тым ліку «Басовішча-92», «Восень бардаў-93» (Польшча). З канцэртамі выступае ў Беларусі, Літве, Германіі, Польшчы, Расіі, Украіне, Францыі, Чэхіі. Тэксты песень перакладзены на англійскую, нямецкую, польскую, украінскую і чэшскую мовы.

Альбомы

• Правінцыя (1992)
• Смутны беларускі блюз (1996)
• Балады і рамансы (1998)
• Добрай раніцы (2002)
• За сто крокаў ад Вострае Брамы (2004)
• Гарадзенец прызямліўся ў Менску (2006, Live)
• Enigmatyczne kino Lwow (бел.: Таямнічы кінатэатр Львоў — польскамоўны дыск)
• Шчасьлівая сямёрка (2009, Live)^[2]
• Viktar Šałkievič (2019, 2 CD)

Фільмаграфія

• «Плач перапёлкі» (у ролі каменданта Гуфельда)
• «Атрад»
• «Слёзы блуднага сына» (галоўная роля)
• «Салодкі яд кахання» (галоўная роля)^[3]
• «Тутэйшыя» (у ролі вулічнага музыкі)

Кнігі

• Блюз вясна (2009, кніга вершаў і песняў)
• Requiem па непатрэбных рэчах (2011, зборнік эсэ)
• Мястэчка G… …і ваколіцы… (2012)

Сям’я

Жанаты. Мае дачку.

Узнагароды

Узнагароджаны медалём 100 гадоў БНР Рады Беларускай Народнай Рэспублікі^[4].