1-я Беларуская кавалерыйская партызанская брыгада

1-я Беларуская кавалерыйская партызанская брыгада— партызанская брыгада, якая дзейнічала на тэрыторыі Мірскага і Карэліцкага раёнаў. 4 ліпеня 1944 года брыгада (530 партызан) злучылася з Чырвонай Арміяй.

1-я Беларуская кавалерыйская партызанская брыгада
Гады існавання	1944
Краіна	СССР  Беларуская ССР
Падпарадкаванне	Беларускі штаб партызанскага руху
Уваходзіць у	Стаўбцоўскае партызанскае злучэнне
Тып	партызаны
Функцыя	змаганне з акупантамі
Колькасць	530 партызан (10.07.1944)
Дыслакацыя	Мірскі і Карэліцкі раёны
Войны	Другая сусветная вайна Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	Д. А. Дзенісенка

Склад

У жніўні 1942 года з атрада імя Чкалава, які ўваходзіў у склад партызанскай брыгады «Уперад», вылучылася група Дз. А. Дзенісенкі, якая папоўнілася моладдзю з Мірскага і Карэліцкага раёнаў, у снежні ў яго ўлілася частка партызанскага атрада Дз. І. Семянцова; з мая 1943 года — кавалерыйскі атрад, з 5 мая 1944 года — кавалерыйскі дывізіён. У жніўні 1944 года дывізіён вызначаны як 1-я Беларуская кавалерыйская партызанская брыгада 3-атраднага складу.

Камандаванне

Камандзір

• Д. А. Дзенісенка

Камісар

• У. А. Грачанічэнка

Начальнік штаба

• І. А. Салашэнка

Гісторыя

Партызаны вялі баі супраць нямецкіх апорных пунктаў, гарнізонаў і паліцэйскіх участкаў у вёсках Антанёва, Вялікія Жухавічы, Вялікая Слабада і іншых Мірскага раёна. Усяго было разгромлена 11 гарнізонаў і паліцэйскіх участкаў, 5 валасных упраў і 24 сельскія дзяржаўныя маёнткі. Перабіта 300 рэек. 2 — 3 ліпеня 1944 года разам з брыгадамі імя Суворава і «25 гадоў БССР» брыгада вяла баі з нямецкімі войскамі на паўднёвай ускраіне Налібоцкай пушчы, утрымлівала пераправу цераз Нёман.

Памяць

У 1979 годзе ў вёсцы Ярэмічы Карэліцкага раёна ў гонар брыгады была пастаўлена стэла.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.