13-ы партызанскі атрад

13-ы партызанскі атрад — савецкае партызанскае падраздзяленне, якое дзейнічала на акупіраванай тэрыторыі Віцебскай, Смаленскай і Магілёўскай абласцей.

12-ы партызанскі атрад
Гады існавання	1942—1944
Краіна	СССР  Беларуская ССР  РСФСР
Падпарадкаванне	Беларускі штаб партызанскага руху
Уваходзіць у	Асобае партызанскае злучэнне «Трынаццаць»
Тып	партызаны
Функцыя	змаганне з акупантамі
Колькасць	17 партызан (12.08.1942)
Войны	Другая сусветная вайна Вялікая Айчынная вайна
Камандзіры
Вядомыя камандзіры	Дз. К. Рыбакоў; К. І. Новікаў

Камандаванне

Камандзіры

• Дз. К. Рыбакоў;
• К. І. Новікаў.

Камісары

• К. І. Новікаў;
• І. А. Яцына;
• А. Я. Драздоў;
• І. М. Рэкрут.

Гісторыя

У маі 1942 года у Мажайску быў створаны атрад «Качубея» (з кастрычніка меў назву «Перамога»). 12 жніўня 1942 года атрад (17 партызан) быў накіраваны ў нямецкі тыл, з верасня таго ж года ўваходзіў у склад брыгады «Аляксея». У лютым 1943 года атрад быў вылучаны з брыгады і перадыслацыраваны ў Смаленскую вобласць. У кастрычніку быў аператыўна падпарадкаваны партызанскаму палку «Трынаццаць», у кастрычніку ўвайшоў у яго склад. З 1 чэрвеня 1944 года — 13-ы атрад партызанскага злучэння «Трынаццаць».

Партызаны ў жніўні — снежні 1942 года на чыгуначным участку Віцебск — Рудня падарвалі 17 эшалонаў. У жніўні — верасні 1943 года на чыгуначных участках Орша — Крычаў, Магілёў — Крычаў удзельнічалі ў аперацыях «рэйкавая вайна». У сакавіку 1943 года ў Касплянскім і Манастыршчынскім, у кастрычніку у Прапойскім і Быхаўскім, у лютым 1944 года ў Бялыніцкім раёнах вялі баі з карнікамі. 29 чэрвеня 1944 года атрад злучыўся з Чырвонай Арміяй. Партызану П. А. Галецкаму прысвоена званне Героя Савецкага Саюза.

Літаратура

• 13-ы партызанскі атрад // Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — С. 457-458. — 680 с. — 20 000 экз. — ISBN 5-85700-012-2.