1939 год у гісторыі беларускага выяўленчага мастацтва

1939 год быў адзначаны шэрагам падзей, якія пакінулі прыкметны след у гісторыі беларускага выяўленчага мастацтва.

Падзеі

• 12 ліпеня — адкрыццё мастацкай галерэі Юдэля Пэна ў Віцебску. Экспанавалася каля 100 твораў мастака. Усяго ў фондах галерэі было каля 800 твораў (асноўная частка перададзена ў Нацыянальны мастацкі музей Беларусі, асобныя творы — у Віцебскі абласны краязнаўчы музей)
• персанальная выстаўка Льва Альпяровіча ў Мінску, на якой было найбольш полна прадстаўлена творчасць мастака — звыш 230 твораў^[1]
• 1–17 снежня — персанальная выстаўка мастака Якава Кругера да 70-годдзя са дня нараджэння і 45-годдзя творчай дзейнасці. Экспанавалася 62 творы жывапісу і графікі (Мінск, Дом мастака).
• скульптар Андрэй Бембель атрымаў ганаровае званне Заслужанага дзеяча мастацтваў БССР
• жывапісец Якаў Кругер атрымаў ганаровае званне Заслужанага дзеяча мастацтваў БССР

З’явіліся

• Дом Чырвонай Арміі — помнік савецкага постканструктывізму^[2] міжваеннага перыяду аўтарства Іосіфа Лангбарда

• Свята-Успенская царква, Буеўшчына, твор народнага дойлідства
• 24 студзеня — Дзяржаўная мастацкая галерэя
• Беларускі павільён на Выстаўцы дасягненняў народнай гаспадаркі (ВДНГ) ў Маскве

Беларускі павільён, ВДНГ

• 
• 
• 
• 
• 

Нарадзіліся

• 14 студзеня — Васіль Шаранговіч, беларускі графік, педагог. Заслужаны дзеяч мастацтваў Беларусі (1978). Заслужаны дзеяч культуры Польшчы (1986). Народны мастак Беларусі (1991). Прафесар (1981)
• 18 ліпеня — Генадзь Шутаў, беларускі мастак-акварэліст, графік, Заслужаны дзеяч мастацтваў Беларусі (1996)
• 29 жніўня — Уладзімір Вольнаў (пам. 2023), беларускі мастак — графік і жывапісец.
• 13 верасня — Анатоль Зайцаў (пам. 2009), беларускі мастак-графік
• 13 верасня — Алесь Мемус, беларускі мастак-графік, педагог

Памерлі

• 31 студзеня — Ілья Гінцбург (нар. 1859), беларуска-расійскі скульптар яўрэйскага паходжання, педагог, прафесар. Родам з Гродна
• 1 верасня — Язэп Горыд (нар. 1896), заходнебеларускі мастак-жывапісец і графік
• 5 лістапада — Фёдар Фогт (нар. 1889), графік, жывапісец, тэатральны мастак, майстар плаката. Працаваў ілюстратарам кніг і часопісаў. З 1928 года выкладаў у Віцебскім мастацкім тэхнікуме. Да 1934 быў намеснікам дырэктара і завучам.

Галерэя жывапісу

• 
  Язэп Драздовіч «Краявід з замкам», Нацыянальны гістарычны музей Беларусі
• 
  Язэп Драздовіч «Месяцавы краявід з замкам», Нацыянальны гістарычны музей Беларусі
• 
  Леў Зевін «Вечаровае сонца». Эцюд

Зноскі

1. т. 5. Биографический справочник. Мн: Издательство «Белорусская советская энциклопедия» имени Петруся Бровки, 1982. 29 с.
2. А. С. Шамрук. Архітэктура Беларусі XX — пачатку XXI ст.:эвалюцыя стыляў і мастацкіх канцэпцый = Архитектура Беларуси XX — начала XXI в.:эволюция стилей и художественных концепций. — Мн.: Белорусская Наука, 2007. — 335 с. — 2 000 экз. — ISBN 978-985-08-0868-4.