35-я партызанская брыгада

35-я партызанская брыгада — партызанская брыгада, створаная ў красавіку 1943 года пад назвай 35-ы партызанскі атрад, які ў верасні быў уключаны ў Бялыніцкую ваенна-аператыўную групу і дзейнічаў на акупіраванй тэрыторыі Бялыніцкага і Шклоўскага раёнаў. 30 чэрвеня 1944 года атрад (554 партызаны) злучыўся з Чырвонай Арміяй. Пасля злучэння Беларускі штаб партызанскага руху вызначыў атрад са студзеня 1944 года як брыгаду.

35-я партызанская брыгада
Гады існавання	1943—1944
Краіна	Беларуская ССР
Падпарадкаванне	Беларускі штаб партызанскага руху
Тып	партызаны
Функцыя	барацьба з нямецкімі акупацыйнымі ўладамі
Дыслакацыя	Бялыніцкі і Шклоўскі раёны
Войны	Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	П. І. Саўчук (загінуў); І. Р. Прахарэнка

Камандаванне

Камандзіры

• П. І. Саўчук (загінуў);
• І. Р. Прахарэнка.

Камісары

• С. А. Шонін;
• Р. І. Думчаў.

Начальнік штаба

• І. М. Мамонаў.

Гісторыя

Партызаны праводзілі баявыя дзеянні пераважна на чыгуначных камунікацыях. У верасні 1943 года ўдзельнічалі ў нападзе на нямецкі гарнізон у Бялынічах, у канцы студзеня 1944 года вялі баі з карнікамі, у чэрвені на чыгуначным участку Шклоў — Лотва падарвалі больш за 840 рэек.

Зноскі