Akute

«Akute» (Акутэ́) — музычны гурт з Магілёва, заснаваны ў 2008 годзе былымі ўдзельнікамі гурта «Глюкі» — вакалістам і гітарыстам Стасам Мытнікам і бас-гітарыстам Раманам Жыгаравым.

Akute
Канцэрт у Гродне (2016).
Асноўная інфармацыя
Жанр	Рок, пост-панк
Гады	2008 - па сённяшні дзень
Краіны	Беларусь
Горад	Магілёў, Мінск
Адкуль	Магілёў
Мова песень	Беларуская
Склад	Раман Жыгараў Стас Мытнік
Іншыя праекты	Глюкі Avias Nevma
bnd.lc/akutev (англ.)
Медыяфайлы на Вікісховішчы

Гісторыя

Упершыню гурт выступіў у канцы жніўня 2009 на фестывалі «Прыход» пад Магілёвам^[1]. Першая ж студыйная песня «Адзіноцтва», прадстаўленая ў лістападзе, заняла ІІІ месца ў хіт-парадзе «Тузіну гітоў» за 2010 год^[2]. 26 чэрвеня выступіў на фэстывалі Be2gether (вёска Нарвілішкі, Салечніцкі раён, Віленскі павет, Літоўская Рэспубліка)^[3]. Таксама перамог на «Басовішчы» (Польшча)^[4] і «Верціфэсце» (Украіна), заняў другое месца на «Адкрытым музычным свяце Графіці» (Мінск). Увосень гурт запісаў усе песні будучага першага альбому на магілёўскай студыі «Арзамас-16».

У чэрвені 2011 году выйшаў першы альбом «Дзевачкі і космас»^[5], за які гурт адзначылі ў намінацыі «Прарыў году» на «Рок-каранацыі». 21 красавіка 2012 г. у мінскім клубе «Рэпаблік» адбылася прэзентацыя другога альбому «Nie Isnuje»^[6]. У верасні гурт выступаў на разагрэве ў брытанскага гурта Placebo. У снежні зрабіўся гуртом года паводле «Тузін Гітоў». Песні гурта ўвайшлі ў саўндтрэк моладзевага фільма «Вышэй за неба». У 2014 годзе адбываецца выхад трэцяга па ліку студыйнага альбома, «Рэальнасць і сны»^[7]. У 2013 годзе быў зняты першы кліп гурта на песню «Бегчы»^[8].

У гурце змянілася некалькі барабаншчыкаў, пакуль у 2015 годзе да яго не далучылася Вікторыя «Vicky Fatez».^[9] Разам з ёй быў запісаны апошні на дадзены момант альбом пад назвай «Пластыка»^[10].

Ацэнкі

Зміцер Падбярэзскі сказаў пра гурт у 2014 годзе так: «„Akute“ — гэта „ULIS“ сённяшніх часоў»^[11].

Віталь Маціеўскі, франтмен гурта «Open Space», ацаніў пераможны выступ гурта на «Басовішчы-2010»: «Яны ўвогуле малайцы! Яны скамбінавалі еўрапейскі саўнд з беларускай мовай. Я з задавальненнем слухаю іх песні»^[12][13].

Дыскаграфія

• «Dzievački i kosmas» (2011)^[5]
• «Kroŭ EP» (максі-сінгл, 2012)^[14]
• «Nie Isnuje» (2012)^[6]
• «Ihołki» (максі-сінгл, 2012)^[15]
• «Reaĺnaść i sny» (2014)^[7]
• «Płastyka» (2016)^[10]
• «V» (2019)
• «Напалову тут» (2022)^[16]

Відэаграфія

• «Бегчы» (2013)^[17]
• «Scieny» (2014)^[18]

Узнагароды

• 2010 — галоўныя ўзнагароды «Басовішча» (Гарадок, Беластоцкі павет, Падляскае ваяводства, Рэспубліка Польшча) і «Верціфэсту» (Кіеў, Украіна)^[19]
• 2012 — гурт года паводле «Тузін Гітоў» і Ultra-Music Awards  (руск.)^[20]
• 2012 — «Прарыў года» на Рок-Каранацыі'2011^[21]
• 2012 — гурт года паводле прэміі «Даём рады»
• 2013 — «Лепшы рок-альбом 2012» за дыск «Nie Isnuje» паводле Experty.by^[22]
• 2013 — артысты года паводле прэміі «Rock Profi»^[23]
• 2015 — «Альбом-2014» паводле прэміі «Даём рады» ад Еўрарадыё^[24]
• 2015 — «Альбом года» за дыск «Reaĺnaść i sny» паводле прэміі Героі году сайта Тузін Гітоў^[25]

Фестывалі

• 2009 — «Прыход» (Магілёўскі раён, Беларусь)
• 2010 — Be2gether^[26] (Літва, «Басовішча» (Польшча), «Верціфэст» (Украіна)^[27]
• 2011 — Канцэрт на траве (хутар Шаблі, Валожынскі раён, Мінская вобласць)
• 2012 — Пікнік.by (Мінск), Рок па вакацыях (Мінск)
• 2013 — Мост (Баравая, Мінскі раён), «Галапагаі» (Езяросы, Уцянскі павет, Літва)^[28], «Самаход» (Мінск)^[29], «Men's Fest» (Брэст)^[30]

Гл. таксама

• Глюкі