Rock Profi

Rock Profi — штогадовая беларуская рок-прэмія. Арганізатарамі прэміі з’яўляюцца Зміцер Безкаравайны з партала «Experty.by» і Павел Юрцэвіч ад клуба «ili» і студыі «OSMOS». Прэмія прысуджаецца па выніках апытання саміх артыстаў і музыкаў^[1].

Rock Profi
Тып	музычная прэмія[d]
Заснавальнік	Зміцер Безкаравайны, Павел Юрцэвіч
Заснаванне	2013
Узнагарода за	дасягненні ў музычнай сферы Беларусі
Краіна	Беларусь

Гісторыя

Rock Profi 2012

• Найлепшы альбом — «Серебряная свадьба» «Laterna Magica»
• Найлепшы запіс (прыз гукарэжысёрам) — Яўген Сухавей за альбом Yellow Brick Road «Futuremental»
• Найлепшая песня — Ляпіс Трубяцкі «Железный».
• Дэбют года — Clover Club
• Артыст года — Akute
• За ўнёсак у беларускую музыку — Ляпіс Трубяцкі^[2][3][4][5]

Rock Profi 2013

• Найлепшы альбом — Петля Пристрастия «Фобос»
• Найлепшы запіс (прыз гукарэжысёрам) — Павел Сініла за альбом BosaeSonca «Адпусці»
• Найлепшая песня — The Toobes «Say Hello To My Baby»
• Дэбют года — BosaeSonca
• Артыст года — Ляпіс Трубяцкі
• За ўнёсак у беларускую музыку — Крама^{[6][7][8][9][10][11]}

Rock Profi 2014

Rock Profi 2015

• Найлепшы альбом — Лявон Вольскі «Hramadaznaūstva»
• Найлепшы запіс (прыз гукарэжысёрам) — Андрэй Жукаў і Алег Даманчук за альбом Port Mone «Thou»
• Найлепшая песня — Ляпіс Трубяцкі «Воины света»
• Дэбют года — Tonqixod
• Артыст года — Дай дарогу!
• За ўнёсак у беларускую музыку — N.R.M.^[12][13][14]

Rock Profi 2016

• Найлепшы альбом — Re1ikt «Лекавыя травы»
• Найлепшы запіс (прыз гукарэжысёрам) — Аляксандр Геліх за альбом Серебряной свадьбы «Музыка — всё!»
• Найлепшая песня — Brutto «Родны край»
• Дэбют года — Super Besse
• Артыст года — Re1ikt
• За ўнёсак у беларускую музыку — Троіца^[15]

Rock Profi 2017

• Найлепшы альбом — Петля Пристрастия «Мода и облака»
• Найлепшы запіс (прыз гукарэжысёрам) — Алег Даманчук за альбом Петля Пристрастия «Мода и облака»
• Найлепшая песня — Петля Пристрастия «Груз»
• Дэбют года — Nebulae Come Sweet  (англ.)
• Артыст года — Петля Пристрастия
• За ўнёсак у беларускую музыку — Neuro Dubel^[16][17]

Ацэнкі

Таццяна Заміроўская з «БелГазеты» па выніках першай цырымоніі ў 2013 годзе пісала: «У цэлым першая „цэхавая“ прэмія прайшла нядрэнна — і, калі яна адбудзецца ў другі раз, можна лічыць яе самым адэкватным паслядоўнікам „Рок-каранацыі“»^[5].

Музычны крытык, аўтар «Энцыклапедыі беларускай папулярнай музыкі» Зміцер Падбярэзскі праз «Sputnik» у 20015 годзе выразіў вельмі станоўчае стаўленне да прэміі, конкурса, які мае «вялікую будучыню», бо ў адрозненні ад іншых штогадовых беларускіх музычных цырымоній тут пераможцаў вызначаюць самі музыкі^[14].