Alloise

Ала Яўгенаўна Маскоўка (укр.: А́лла Євге́нівна Моско́вка; нар. 19 кастрычніка 1984, Палтава, УССР), больш вядомая пад псеўданімам ALLOISE — украінская спявачка, якая выконвае песні ў стылі поп, соўл, RnB і фольк.

Alloise
Асноўная інфармацыя
Дата нараджэння	19 кастрычніка 1984(1984-10-19) (40 гадоў)
Месца нараджэння	Палтава, Палтаўская вобласць, УССР, СССР
Краіна	Украіна
Альма-матар	Кіеўскі нацыянальны ўніверсітэт культуры і мастацтваў
Музычная дзейнасць
Прафесіі	спявачка, радыёвядучы, актрыса
Гады актыўнасці	з 2004
Інструменты	вакал
Жанры	рытм-н-блюз, поп-музыка і фолк-музыка
Узнагароды	MTV Europe Music Award for Best Ukrainian Act[d] (2012)
alloise.uk (англ.)

Біяграфія

Ала нарадзілася 19 кастрычніка ў 1984 годзе ў Палтаве. Паступіла ў Палтаўскую школу мастацтваў, затым у студыю пры музычным вучылішчы. Таксама паралельна вучылася ў ліцэі № 1 у класе з інтэнсіўным вывучэннем інфарматыкі і англійскай мовы. У 2002 годзе паступіла ў Кіеўскі нацыянальны універсітэт культуры і мастацтваў. У 2004 годзе спявала ў складзе электроннага гурта «Tomato Jaws», затым занялася дыджэйствам і на некаторы час стала вакальным і dj-рэзідэнтам кіеўскіх клубаў.

З 2007 па 2012 год была вакалісткай і аўтарам песень гурта «Gorchitza».

У красавіку 2012 года ALLOISE пачала сольную кар’еру, супрацоўнічаючы з лэйблам Firework Sound^[1].

У лістападзе 2012 года ALLOISE стала лепшай украінскай артысткай па версіі MTV EMA.

За гады сваёй кар’еры спявачка выступала на адной сцэне з такімі сусветнымі артыстамі як Morcheeba, Kosheen, Крэйг Дэвід, Нэлі Фуртада, Джэсі Уэр, Сафі Эліс-Бекстар, Ларын і Faithless.

Таксама спявачка супрацоўнічала з сусветна вядомым прадзюсарам — Нарадам Майклам Уолдэнам, вядомым па сваёй працы з Уітні Х’юстан, Рэям Чарлзам, Даянай Рос і іншымі.

Акрамя музычнай кар’еры, ALLOISE грае ў тэатры «КРОТ» у такіх п’есах — «Сны Васілісы Ягораўны» па п’есах Леся Падзервянскага і «Andy Warhol. Выдумка.»^[2] У чэрвені 2013 года ALLOISE прэзентавала дэбютны альбом «Bygone». У кружэлку ўвайшло 12 аўтарскіх трэкаў спявачкі.

ALLOISE стала хэдлайнерам фестывалю MTV да Міжнароднага Дня моладзі ў 2014 годзе^[3].

У чэрвені 2014 года кліп ALLOISE на песню Tell Me Of Fire трапіў у эфір тэлеканала MTV ЗША.^[4] Гэта першая песня выканаўцаў украінскай эстрады, якая абраная для трансляцыі ў эфіры галоўнага музычнага канала ЗША.

Таксама ў гэтым жа месяцы афіцыйны італьянскі чарт www.earone.it прызнаў песню «Tell Me Of Fire» «найлепшай песняй тыдня»^[5]. Акрамя таго, кліп на гэтую песню транслюецца ў эфірах музычных тэлеканалаў Швейцарыі, Венгрыі, Славеніі і іншых краін.

Узнагароды

• 2012 — лепшы ўкраінскі артыст па версіі MTV EMA
• 2012—2013 — намінацыя «VIVA! Найпрыгажэйшыя»
• 2021 — альбом «Bare Nerve» у TOP-5 па версіі міжнароднага журы Aprize Awards

Сінглы

• «She knows» — 2012
• «Love me or leave me» — 2012
• «Who’s the fool» (with Fahot) — 2013
• «Dancing in the crowd» (with Dj Lutique) — 2013
• «Falling» (with Dj Lutique) — 2013
• «Simple thing» — 2014
• «Merry-Go-Round» — 2015
• «Knives» — 2019
• «Twin Flame» — 2019
• «Bare Nerve» EP — 2020

Зноскі

1. Репортаж с первого сольного выступления Alloise,(недаступная спасылка)
2. Спектакль «Андрей Вархола. Вымысел», (нявызн.)(недаступная спасылка). Архівавана з першакрыніцы 11 лютага 2014. Праверана 10 сакавіка 2023.
3. Концертная программа ко Дню Молодежи 2014 Архівавана 27 ліпеня 2014 года.
4. Клип Alloise на MTV USA (нявызн.). Архівавана з першакрыніцы 8 жніўня 2014.
5. Ссылка на клип в итальянском чарте earone (нявызн.). Архівавана з першакрыніцы 29 ліпеня 2014. Праверана 29 ліпеня 2014.