Балігалоў плямісты

Балігало́ў пля́місты^[1][2] (Conium maculatum) — від кветкавых раслін роду Балігалоў (Conium) сямейства Парасонавыя (Umbelliferae).

Балігалоў плямісты
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Парасонакветныя Сямейства:  Парасонавыя Падсямейства:  Apioideae Род:  Балігалоў Від:  Балігалоў плямісты
Міжнародная навуковая назва
Conium maculatum L., Sp. Pl. 1: 243 (1753)
Сістэматыка на Віківідах Выявы на Вікісховішчы ITIS   29473 NCBI   13447 EOL   581784 IPNI   840668-1 TPL   kew-2734165

Назва

Балігалоў плямісты, пятрушнік^[3], блёкат, омег^[4].

Батанічнае апісанне

Батанічная ілюстрацыя з кнігі К. А. М. Ліндмана «Bilder ur Nordens Flora», 1917—1926

Двухгадовая травяністая расліна вышынёй 50—180 см. Мае непрыемны пах. Сцябло галінастае, баразнаватае, голае, з чырвона-бурымі плямамі ў ніжняй частцы. Лісце тройчыперыстарассечанае, з похвамі. Кветкі дробныя, белага колеру, у шчытападобных складаных парасоніках. Плод — віслаплоднік.

Гаспадарчае значэнне

Ядавітая^[5] лекавая і інсектыцыдная расліна. Мае дубільныя рэчывы. Пустазелле.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 120. — 160 с. — 2 350 экз.
2. Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
3. Анненков Н.  (руск.) Ботанический словарь, Спб, 1878
4. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. Горы-Горкі, 1927
5. Бесараб С. В. Растения I класса опасности. Памятка по идентификации // Хабр — habr.com, 16 июля 2021, 22:13