Бярозка (род раслін)

У паняцця ёсць і іншыя значэнні, гл. Бярозка.

Бяро́зка^[1] (Convolvulus) — род кветкавых раслін сямейства бярозкавых.

Бярозка (род раслін)
Бярозка палявая (Convolvulus arvensis)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Паслёнакветныя Сямейства:  Бярозкавыя Падсямейства:  Convolvuloideae Трыба:  Convolvuleae Род:  Бярозка
Міжнародная навуковая назва
Convolvulus Small
Сінонімы
Strophocaulos
Сістэматыка на Віківідах Выявы на Вікісховішчы ITIS   30701 NCBI   4122 EOL   60669 GRIN   g:11283 IPNI   94347-3

Апісанне

Шмат- і аднагадовыя травяністыя расліны з павойным галінастым або сцелістым ці прамастойным сцяблом, радзей паўкусты і кусты. Лісце суцэльнае, доўгачаранковае. Кветкі званочкавыя ці лейкападобныя, белыя або ружовыя, часам з палосамі і рознакаляровыя (у садовых форм), па 1—3 у пазухах лісця або сабраныя ў суквецці. Плод — каробачка.

Арэал

Налічваецца каля 250 відаў. Пашыраны пераважна ў Міжземнамор’і. На Беларусі трапляецца дзікарослая бярозка палявая, расце як пустазелле, а таксама ўздоўж дарог, на пустках і травяных схілах. Як дэкаратыўная расліна вырошчваецца бярозка трохкаляровая, або дзённая прыгажуня (Convolvulus tricolor).

Значэнне

Лекавыя, дэкаратыўныя, меданосныя, некаторыя — кармавыя і ядавітыя расліны.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 40. — 160 с. — 2 350 экз.