Падкаменшчыкі

Падка́меншчыкі, бычкі-падкаменшчыкі (Cottus) — род рыб сямейства падкаменшчыкавых.

Падкаменшчыкі
Падкаменшчык звычайны (Cottus gobio)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Навапёрыя рыбы Інфраклас:  Касцістыя рыбы Надатрад:  Acanthopterygii Атрад:  Скарпенападобныя Падатрад:  Cottoidei Надсямейства:  Cottoidea Сямейства:  Керчакавыя Род:  Падкаменшчыкі
Міжнародная навуковая назва
Cottus Linnaeus, 1758
Сістэматыка на Віківідах Выявы на Вікісховішчы ITIS   167229 NCBI   8098 EOL   15762 FW   124218

Апісанне

Даўжыня да 12 см. Галава вялікая, пляскатая. Вочы чырванаватыя, на верхнім баку галавы. Цела голае, шаравата-бурае або зеленаватае, з цёмнымі плямамі. Спінных плаўнікоў 2 (першы меншы за другі).

Распаўсюджанне

Налічваецца каля 30 відаў. Пашыраны ў прэсных водах Еўропы, Азіі і Паўночнай Амерыкі, зрэдку трапляюцца ў перадвусцевых участках мора. На Беларусі сустракаецца падкаменшчык звычайны.

Асаблівасці біялогіі

Донныя маларухомыя жывёлы. Актыўныя на змярканні і ноччу. Жывуць паасобку ў водных зарасніках або пад камянямі (адсюль назва). Кормяцца лічынкамі насякомых, ікрой і маляўкамі рыб. Перад нерастам самец будуе прымітыўнае гняздо, потым ахоўвае ікру і малявак.

Літаратура

• Петрыкаў А. Падкаменшчыкі // БЭ ў 18 т. Т. 11. — Мн.: БелЭн. 2000.