Crossing the Jordan

«Crossing the Jordan» (бел.: Перасякаючы Іардан) – студыйны альбом гурта «Spasenie», запісаны з удзелам музыкаў чыкагскага гурта «Crossroads» і выдадзены ў 2004 годзе. Дыск запісваўся музыкамі ў Брэсце, прадзюсарамі кружэлкі выступілі Цім Спрэнсі і Дэрыл Сцёрмер  (англ.) (у ЗША)^[1]. Першая імпрэза дыска ў Беларусі прайшла 29 ліпеня 2005 года ў Мінску пры падтрымцы прадзюсара Ціма Спрэнсі і яго гурта «Crossroads» у клубе «Белая вежа»^[2][3].

Crossing the Jordan
Студыйны альбом Spasenie
Дата выпуску	3 снежня 2004 года
Запісаны	2003–2004
Жанр	хрысціянскі рок, поп-рок, джаз-рок
Працягласць	58:52
Прадзюсар	Цім Спрэнсі, Дэрыл Сцёрмер  (англ.) (у ЗША), Павел Шельпук
Мова песень	англійская
Лэйбл	East Meets West Records, Music Center C
Храналогія Spasenie
Кардиограмма (2003) Crossing the Jordan Acoustic (2007)

Гісторыя

Загалоўнай песняй кружэлкі з’яўляецца біблейская гісторыя^[4].

Альбом «Crossing the Jordan» – сур'ёзны паказчык прафесійнага росту нашага гурта. Пры стварэнні, запісы і звядзенні ўсе кампазіцыі былі да дробязяў прадуманы і вытрыманы ў адзіным стылі,

– распавядаў парталу TUT.BY вакаліст Ігар Муха^[5].

Продаж дыскаў перавысіў усе чаканні брэсцкіх музыкаў^[6].

Спіс кампазыцый

№	Назва	Аўтар	Працягласць
1.	«The Word Was Spoken»	Цім Спрэнсі	4:25
2.	«Hold On»	Цім Спрэнсі	4:48
3.	«The Garden of the King»	Цім Спрэнсі	4:14
4.	«Son of Mercy»	Цім Спрэнсі, Маўра Спрэнсі	4:14
5.	«Live Wire»	Цім Спрэнсі, Ігар Муха, Пётр Семянюк, Павел Шельпук	4:42
6.	«Joshua’s Dream»	Цім Спрэнсі, Ігар Муха, Пётр Семянюк, Павел Шельпук	4:52
7.	«New Song»	Цім Спрэнсі, Маўра Спрэнсі	4:31
8.	«You Are Merciful»	Цім Спрэнсі	4:17
9.	«Reign on Me»	Цім Спрэнсі	4:48
10.	«Every Day»	Цім Спрэнсі	4:53
11.	«I’m Watching the World Go By»	Цім Спрэнсі, Маўра Спрэнсі	4:25
12.	«Do You Know Why»	Цім Спрэнсі, Маўра Спрэнсі	3:37
13.	«Psalm 141»	Цім Спрэнсі	5:06

Прыём крытыкаў

Таццяна Заміроўская са штотыднёвіка «БелГазета» на старонках выдання вызначыла, што альбом асацыюецца са Стынгам, Філам Колінзам і Маркам Нопфлерам  (руск.), а творы на ім ёсць «рафінаваны і меланхалічны джаз-рок з элементамі фольку»^[7].

WASP з «Музыкальнай газеты» ўчула на CD мяккі поп-рок, больш гарманічны, чым у выкананні «Новага Іерусаліма», і пахваліла працу прадзюсара Ціма Спрэнсі, у той час як песні з кружэлкі крытыку таксама нагадалі творы Стынга і Філа Колінза^[8].

Удзельнікі

Музыкі: Пётр Семянюк — клавішныя, вакал. Павел Шельпук — скрыпка, альт, вакал. Аляксандр Зіноўеў — кантрабас. Святлана Праўдзіна — віяланчэль. Васіль Машлякевіч — бас-гітара. Ежы Хайчук — ударныя. Джым Спрэнсі — перкусія. Цім Спрэнсі — вакал, акустычная і электрагітара. Леанід Барысевіч — электрагітара. Ігар Руды — саксафон-сапрана, альтовы саксафон, кларнет. Бэкі Шарп — вакал. Ігар Муха — вакал.

Вытворчасць: Аляксандр Барысюк — пастырскі клопат. Сью Брандт — адміністратар. Цім Спрэнсі — дызайн CD, фатаграфіі, выканаўчы прадзюсар. Брыяна Спрэнсі — фатаграфіі. Майкл Вілсан — фатаграфіі. Павел Шельпук — інжынер гуказапісу, выканаўчы прадзюсар. Андрэй Кавальчук — асістэнт інжынера гуказапісу. Павел Шельпук, студыя «С» — звядзенне. Вальдэмар Сімэнс — мастэрынг. Студыя «С» — мастэрынг.