Haskell

Haskell (Ха́скел) — функцыянальная мова праграмавання агульнага прызначэння са статычнай тыпізацыяй, вывадам тыпаў і нястрогімі вылічэннямі. Была распрацаваная для навучання, даследаванняў і прамысловага прымянення; упершыню прапанавала шэраг функцый моў праграмавання, такіх як класы тыпаў і манадычны ўвод-вывад. Асноўнай рэалізацыяй Haskell з’яўляецца кампілятар Glasgow Haskell (GHC). Мова названая ў гонар навукоўца Хаскеля Кары (англ.).

Haskell
Семантыка	функцыянальная
З’явілася ў	1990
Аўтар(ы)	рабочая група Haskell
Пашырэнне файлаў	.hs, .lhs
Рэліз	Haskell 2010 (ліпень 2010)
Тыпізацыя даных	статычная, строгая
Асноўныя рэалізацыі	Glasgow Haskell Compiler, Jhc, Utrecht Haskell Compiler
Зведала ўплыў	Gofer, Lisp, Miranda
Паўплывала на	Clojure, Elm, Python, Rust, Scala, Swift
Сайт	haskell.org

Семантыка Haskell гістарычна заснавана на семантыцы мовы праграмавання Miranda, якая канцэнтравала намаганні першапачатковай рабочай групы Haskell. Апошняя афіцыйная спецыфікацыя мовы была створана ў ліпені 2010 года, далейшае развіццё Haskell працягваецца праз моўныя пашырэнні кампілятара GHC.

Haskell выкарыстоўваецца ў навуковых колах і прамысловасці. Наступныя кампаніі вядомыя, як карыстальнікі Haskell: Facebook, GitHub, Tesla Inc., Barclays, BNP, S&P Global, Zalando.^[1]

Па стане на май 2021 года Haskell была 28-й па папулярнасці мовай праграмавання па выніках пошуку навучальных дапаможнікаў у Google.^[2] У студзені 2018 года мова Haskell мела менш за 1 % актыўных карыстальнікаў GitHub.^[3]

Прыклад

Прыклад напісання праграмы Hello world:

module Main (main) where          -- не абавязковы радок

main :: IO ()                     -- не абавязковы радок
main = putStrLn "Hello, World!"

Гл. таксама

• Python

Зноскі

1. Mossberg, Erik, erkmos/haskell-companies(англ.)
2. PYPL PopularitY of Programming Language index (англ.). pypl.github.io.
3. Frederickson, Ben. Ranking Programming Languages by GitHub Users (англ.). www.benfrederickson.com. Праверана 6 студзеня 2023.