Hemiptelea
From Wikipedia, the free encyclopedia
Remove ads
Hemiptelea davidii — адзіны прадстаўнік роду Hemiptelea сямейства Вязавыя (Ulmaceae).
Remove ads
Распаўсюджанне і экалогія
У прыродзе арэал віду ахоплівае Карэйскі паўвостраў і практычна ўсю тэрыторыю Кітая.
Расце па бясплодных камяністых схілах. Утварае калючыя непраходныя зараснікі ў рост чалавека або расце адзіночнымі дрэвамі з прамымі стваламі.
Батанічнае апісанне
Дрэва або куст, які ўтварае густую крону. Галінкі ў маладосці густаваласістыя, пазней слаба апушаныя, пакрытыя калючкамі даўжынёй 1,5 см. Кара шэра-карычневая або карычневая.
Пупышкі шарападобна-яйкападобныя, дробныя. Лісце даўжынёй 2-5 см, эліптычнае або даўгавата-эліптычнае, з 8-12 парамі жылак, востраканцовыя, з круглявым або паўсэрцападобным аснаваннем, пільчата-гародкавыя, зверху з адзінкавымі валасінкамі, знізу рассеяна апушаныя, на хвосціках даўжынёй 1-3 мм.
Кветкі двухполыя, на кароткіх кветаножках, сабраны па 1-4 у пазухах верхняга лісця або прыкветкаў. Калякветнік з 4-5 часткамі; тычынак звычайна чатыры.
Плод — сухі, коса зрэзаны арэшак даўжынёй 6 мм, з 2 крыламі ў верхняй частцы.
Цвіценне ў красавіку, разам з распусканнем лісця.
Remove ads
Зноскі
Літаратура
Wikiwand - on
Seamless Wikipedia browsing. On steroids.
Remove ads